Berisha ne samitin e klimes

Sipas kryeministrit, ndryshimet klimatike perbejne nje kercenim serioz per planetin tone dhe nje ceshtje qe duhet zgjidhur me vendosmeri dhe efikasitet.

“Shqiperia, edhe pse çliron ne atmosfere 5 here me pak gazra me efekt serre per fryme te popullsise ne krahasim me vendet e industrializuara, eshte nje vend qe ka filluar te perballet me pasojat qe lidhen me ndryshimet korrente te klimes, veçanerisht ne zonen e bregdetit te Adriatikut. Shqiperia eshte e vendosur per te plotesuar detyrimet qe rrjedhin nga Protokolli i Kyotos. Aktualisht rreth 95% e burimeve dhe konsumit te energjise se vendit tim vjen nga energjia hidrike. Potencialet hidrike jane shume te medha; me shume se 2/3 ngelet per t’u shfrytezuar. Ne kete kontekst, ne planifikojme te ndertojme rreth 440 hidrocentrale me nje fuqi totale prej, se paku 20 miliarde kilovatore; jane firmosur rreth 130 kontrata; kompani nga e gjithe bota punojne sot ne vendin tim… Ka platforma te medha ere, dhe ne po perpiqemi te inkurajojme fermat e eres dhe prodhimin e energjise se eres. Deri tani jane licensuar mbi 2000 Megawatt parqe eolike, mijera te tjera jane ne studim e siper. Se bashku, energjia hidrike, e eres dhe biomasa, perbejne me shume se 5 bilion Euro ne kontrata te nenshkruara si koncensionar’, tha Berisha.

Ne fjalen e tij kryeministri tha se qeveria Shqiptare ne Strategjine e saj te Zhvillimit Kombetar synon nxitjen e teknologjive te gjelbra dhe nje ekonomi pa karbon. Gjate qendrimit tre ditor ne Danimarke, Kryeministri Berisha do te zhvilloje nje seri takimesh bilaterale.

Top Channel