Partia Demokratike e pagezoi Kuvendin e IX-te te saj si “Kuvendin Kombetar te fitores”, kuvendin qe i gjen demokratet ne mandatin e dyte te qeverisjes.
Ne nje atmosfere festive, demokratet i dhane partise se tyre meritat kryesore per ate cfare vendi ka realizuar ne histrorine e tij 19 vjecare ne pluralizem.
“PD eshte arkitektja e fitores ne 2009-en, ne 2013-en, arkitekte e Shqiperise sone ne Europe. Ne realizuam ne Shqiperi zgjedhjet e lira e te ndershme, ne permbushem nje nga misionet tona historike”, ka deklaruar Berisha.
Pjese e rendesishme e fjalimit prej 40 minutash te kryeministrit Berisha ishte situata aktuale politke, e permbledhur se pari ne nje ftese bashkepunimi drejtuar opozites dhe se dyti, ne nje premtim me gjuhe te forte per ata qe nuk pranojne rezultatin e zgjedhjeve te 28 qershorit.
“Nga kjo platforme garantoj opoziten se do kete hapesiren me te madhe, respektin me te thelle per reformat e medha, por e paralajmeroj se pasioni yne per liri nuk do te perfundoje kurre. Askush nuk do te neperkembe vullnetin e lire te qytetareve shqiptare. Hiqni dore, sepse betejen e beme ne vitin ’90, sot jemi gati per cdo beteje per te mbrojtur voten e lire”, ka pohuar Berisha.
Kryeministri Berisha nuk e permendi me emer kreun e opozites Edi Rama, por duke perseritur te njejtat denoncime per ato qe i quan zaptime prej tij te trojeve publike, kreu i demokrateve shpalli para demokrateve sfiden e re te qeverisjes.
“Nje beteje e madhe na pret dhe kjo eshte beteja me mafien. Do t’i rezervojme asaj darat dhe gersheret e ligjit. Kjo mazhorance eshte me e vendosur se kurre per te perdorur pushtetin e saj per t’i dhene pergjigjjen e merituar mafies. Nuk do te kete as tendencen me te vogel politike”, ka theksuar Berisha.
Gjate fjalimit te tij, kryeministri Berisha u perqendrua gjate ne premtimet kryesore te mandatit te dyte qeverises, ku ne thelb jane punesimi, shendetesia, lufta kunder varferise dhe ndertimi i infrastruktures, per t’í dhene qeverisjes fytyren e qytetareve.
“Do te garantojme sigurimin shendetesor per cdo qytetar. Ne qershor te vitit qe vjen do bejme rritjen me te madhe te rrogave dhe pensioneve ne historine e vendit. Brenda ketij mandati nuk do kete shqiptar qe do te marre me pak se 2 dollare ne dite”, ka saktesuar Berisha.
Duke shprehur sigurine per bashkepunim afatgjate me Levizjen Socialiste per Integrim, kryeministri Berisha shkoi larg me parashikimet e tij politike.
“Kjo eshte nje parti qe arriti te mbijetoje dhe te jete sot fitimtare per shkak se ne qeverisjen e saj vendosi i pari qytetari. Shqiperia europiane do te jete Shqiperia me sociale e me njerezore. Te ecim se bashku ne zgjedhjet e 2011-es, ne zgjedhjet e 2013-es e ne zgjedhjet e 2024-es. E kemi ne sekretin e suksesit, suksesin e vazhdimesise”, ka shtuar Berisha.
Ne 3 ore punime, demokratet miratuan me votim te hapur ndryshimet ne statutin e ri te partise qe i pershtat strukturat e partise me sistemin e ri elektoral ne baze qarqesh.
Kuvendi nuk mori ne shqyrtim propozimet e anetarit te kryesise Aleksander Biberaj, i cili tha se grupi i punes i kishte hedhur poshte propozimet e tij dhe per kete arsye nuk mori pjese ne votimin, qe u mbyll me vote unanime pro ndryshimeve zyrtare te statutit te Partise Demokratike.
Top Channel
