Fakti qe Dinamo eshte pretendentja kryesore per fitimin e titullit kampion nuk perben me lajm. Ajo qe vertet te terheq vemendjen, eshte se blute mund te “vrasin” kampionatin qe prej gjysmes se fazes se trete.
Me ecurine e deritanishme ne 11 javet e para te Kategorise Superiore, kryeqytetasit kane gabuar shume pak, per mos te thene fare: 2 barazime jashte fushe me Vllaznine dhe Skenderbeun, nuk mund te quhen rezultate negative.
Trajneri Shkelqim Muça ka ndertuar nje skuader qe ne çdo jave po tregon diferenca te medha me kundershtaret, e cila ka grumbulluar 29 pike ne 33 te mundshme. Statistika te frikshme, mbi te gjitha nese krahasohen me te njejten periudhe te kampionatit gjate edicionit 2008/‘09.
“Dora” e Muçes pasqyrohet me se miri te rezultatet. Ne krahasim me paraardhesin e tij, Zlatko Daliç, ai i ka dhene skuadres 12 pike me shume pas perfundimit te fazes se pare dhe e klasifikon tre vende me lart. Gjate sezonit te kaluar, pas 11 javeve blute renditeshin ne vendin e katert, ne kuoten e 17 pikeve, 5 me pak se Tirana kryesuese.
Pikavarazhi jo vetem qe eshte permiresuar me rreth 40 per qind, por dinamovitet kane grumbulluar edhe 7 pike me shume sesa kishin bardheblute ne te njejten periudhe te kampionatit te meparshem. Tashme Dinamo renditet e para, me plot dhjete pike diference nga Besa e vendit te dyte dhe 12 pike nga Apolonia dhe Tirana, te cilat ndodhen ne vendin e trete.
Edhe golavarazhi eshte permiresuar dukshem: Bakaj, Sefa & Co. kane realizuar 21 rrjeta ne 990 minuta loje (afro dy gola ne ndeshje nese perllogaritet mesatarja), ndersa ne fazen e pare te sezonit te kaluar ata ishin ndalur ne kuoten e 12 golave te shenuar.
Nese Dinamo ruan nje vazhdimesi te tille rezultatesh, ne fund te fazes se dyte ata do te kene plot 58 pike, vetem 10 me pak sa iu nevojiten Tiranes qe te shpallej kampione ne sezonin 2008/2009.
Kjo mund te perkthehet ndryshe, qe blute kurorezohen si skuadra me e mire ne Shqiperi qe prej javes se katert te fazes se trete (java e 26-te, e planifikuar te luhet me 20 mars 2010). Por, duke marre ne konsiderate edhe hapa te mundshem false gjate ketij kampionati, festa e titullit mund te shtyhet edhe per javet 28 ose 29, praktikisht ne gjysmen e pjeses se trete dhe te fundit te edicionit ne aktivitetin elitar.
Hapa prapa ne krahasim me nje vit me pare kane bere Tirana (-5 pike), Vllaznia (-10), Shkumbini (-5) e Flamurtari (-3). Pas Dinamos, ecurine e tyre e kane permiresuar Besa dhe Apolonia, ndersa Teuta ka qendruar ne te njejtat nivele (ne vendin e gjashte me 16 pike).
Kavajasit kane 3 pike me shume dhe renditen dy vende me lart se ne te njejten periudhe te sezonit te kaluar, ndersa fieraket kane grumbulluar 6 pike me teper dhe klasifikohen plot 7 vende me lart.
Top Channel
