Mberritja e parakohshme e gjendjes gripale, qe ka perfshire vendin, nga java ne jave po shton numrin e te prekurve nga viroza e stines.
Dy jave me pare, Instituti i Shendetit Publik perllogariti se te prekurit nga viroza dhe kryesisht nga infeksionet e rrugeve te frymemarrjes, u rritem brenda shtate diteve me 13 per qind, nderkohe qe kjo jave pritet te kete edhe me shume te prekur nga gripi i zakonshem.
Ne qendren spitalore universitare “Nene Tereza” paraqiten brenda 24 oreve per vizita, trajtim apo shtrim nga 150-200 femije te moshave 0-13 vjec. Pas Urgjences se Pediatrise, nje tjeter pavijon nder me te “vizituarit” eshte Sherbimi i Infektivit.
Cdo dite, ne kete sherbim, konsultohen dhe marrin mjekim 70-100 paciente. Nuk mbetet pas me shifrat e te semureve, si pasoje e uljes se temperaturave as Urgjenca e Kardiologjise. Brenda 24 oreve ne kete sherbim paraqiten per ndihme mbi 100 paciente, kryesisht qe vuajne nga semundjet kronike.
“Kemi nje numer me te larte te infeksioneve respiratore krahasuar me nje vit me pare. Kete jave verejme nje rritje te numrit te infeksioneve te rrugeve te frymemarrjes krahasuar me javen paraardhese. Aktualisht jemi ne fazen e aktivitetit sezonal te pritshem. Numri me i madh i rasteve te infeksioneve respiratore verehet ne moshat femijenore”, sqaron raporti i detajuar mbi situaten gripale i Institutit te Shendetit Publik.
Sipas mjekeve, femijet jane me te ndjeshem ndaj ndryshimeve te menjehershme te temperaturave, prandaj grupmosha e tyre preken edhe me shume nga virozat e stines apo gjendjet gripale.
“Femijet vijne bejne konsulten, marrin mjekimin dhe largohen per ne shtepi, nderkohe qe rastet me te veshtira marrin fleten e shtrimit, per te qene nen vezhgimin e mjekeve”, tha mjekja e urgjences se pediatrise. Pavaresisht rritjes se numrit te femijeve te prekur nga gripi i zakonshem, ka ulje te fluksit te pacienteve qe paraqiten ne spitalin “Nene Tereza”, menjehere pas leshimit te urdhrit te ministrit te Shendetesise, Petrit Vasili.
Sipas tij, pacientet duhet te zbatojne sistemin e referimit, duke u paraqitur te mjeku i familjes ose ne poliklinika per problemet e zakonshme dhe ne rast se lind nevoja te paraqiten ne spital per nje ndihme me te specializuar.
Top Channel
