Presioni i vazhdueshem per te paguar per kartat elektronike te bankave edhe kur nuk perdoren, i ke detyruar shqiptaret qe t’i kthejne ato ne nje mase te konsiderueshme.
Sipas Shoqates se Bankave te Shqiperise, nga janari deri ne shtator 2009, plot 193 mije karta krediti dhe debiti jane kthyer mbrapsht nga klientet.
Deri ne fund te shtatorit ne Shqiperi kishte 514 mije karta debiti dhe 27 mije karta krediti, nderkohe qe ne shtator 2008 qene 707 mije karta debiti dhe 17 mije karta krediti.
Renia ne baze vjetore qe rreth 27 per qind, ku fluksi me i madh i dorezimit te kartave u shenua ne muajt e pare te ketij viti.
Pasi terhoqen nje numer te madh shqiptaresh drejt produkteve te veta, duke reklamuar emetim kartash bankare pa komisione, shumica derrmuese e bankave vendosen vitin e kaluar nje komision mujor prej mesatarisht 100-150 lekesh per karten dhe 100 leke te tjera per mirembajtjen e llogarise rrjedhese.
Nen stresin e renies se fitimeve si pasoje e krizes, disa prej bankave i dyfishuan komisionet mujore dhe ne shume raste nuk e moren mundimin as t’i informonin klientet per kete ndryshim.
Tendenca e renies se perdorimit te kartave bankare ka filluar qe nga mesi i vitit 2008.
Sipas nje raporti te Bankes se Shqiperise, shumica derrmuese e transaksioneve me karta perbehet nga terheqja e parave ne bankomat, ndersa perdorimi i kartave per pagesa ne terminalet e shitjeve POS ze me pak se 2 per qind te totalit te veprimeve.
Top Channel
