Ne Greqi autoritetet shendetesore jane vene ne alarm, pasi sot ne mengjes nje vajze 19- vjecare humbi jeten pasi ishte e prekur nga virusi i gripit te derrit dhe nuk kishte patur probleme te tjera shendetesore.
Eshte viktima e tete e radhes nga gripi AH1N1 ,ndersa akoma kater persona te tjere kurohen ne spitalet e vendit ne gjendje teper serioze per jeten.
19-vjecarja greke ,studente nga Follorina ne Selanik,kurohej qysh prej dites se shtune kur eshte shtruar ne repartin e reanimacionit me simptomat e nje pneumonie teper te rende. Por me gjithe perpjekjet e mjekeve per ta mbajtur ne jete ajo ka shfaqur me pas probleme ne zemer, te cilat kane sjelle edhe vdekjen e saj.
Pas perfundimit te autopsise se viktimes ka rezultuar se 19-vjecarja ka pasur probleme kardiake, te cilat ajo vete nuk i njihte dhe sipas mjekeve ky ka qene edhe shkaku qe nuk ka perballuar dot virusin vdekjeprures.
Ndersa vazhdon vaksinimi i personelit mjekesor dhe pas disa ditesh ai i personave qe hyjne ne grupin e rrezikshmerise se larte mjeket dhe specialistet ne mbare Greqine shfaqen te dyzuar persa i perket kryerjes se vaksines se re te gripit.
Madje vete kryetari i Komisionit te Pandemise ne spitalin Agjios Pavlos ne Selanik ka dhene doreheqjen duke mos pranuar te vaksinohet. Sot eshte vaksinuar edhe ministrja greke e Shendetsise, e cila ka deklaruar edhe njehere se vaksina shpeton jeten e njeriut.
Persa u perket qytetareve te thjeshte duket se jane ende ne pritje deri ne daten 1 dhjetor kur do te filloje vaksinimi masiv i popullsise.
Me rritjen e numrit te rasteve te gripit te derrit jane mbyllur sot per gjithe javen ne vazhdim 67 shkolla ne Athine,24 ne Selanik dhe 38 ne qytetet e tjera te vendit.
Top Channel
