Pas problemeve te krijuara me shlyerjen e detyrimeve, kompania “Albpetrol” sh.a ndryshon rregullat per shitje-blerjen e naftes me ARMO-n. Nese nuk parapaguan per sasine e interesuar, ARMO nuk do te mund te terheqe asnje liter nafte.
Ky ka qene vendimi i fundit i keshillit mbikeqyres se kompanise. “Fillimisht do te behet parapagimi i te gjitha faturave te naftes qe ARMO kerkon dhe me pas do te mbushen autobotet me nafte per te”, eshte shprehur drejtori i “Albpetrol”, Ferdinand Murati, i cili e drejton kete kompani prej afro kater javesh.
Deklarata e kreut te kompanise lidhur me ndryshimin e praktikes se marredhenieve te shitje-blerjes, si dhe marredhenieve ekonomike mes dy kompanive, ka ardhur menjehere pas vendimit qe keshilli mbikeqyres i “Albpetrol” ka marre pak dite me pare.
Burime zyrtare nga kompania shteterore “Albpetrol” konfirmojne se ky vendim ka lidhje me moskorrektesine e treguar deri me tani nga ARMO, per likuidimin e faturave te blerjeve te sasise se naftes.
Vendimi i keshillit mbikeqyres vjen edhe si pasoje e krizes ekonomike ku u fut “Albpetroli”.
Per shkak te faturave te papaguara prej disa muajsh, punetoret nuk kane marre pagat.
Madje, kolapsi financiar e ka detyruar “Albpetrolin” me shume se tri here qe t’i drejtohet kredise, e cila eshte siguruar me interes te larte ne bankat operuese ne vend.
Top Channel
