Shfarosen 422 krere bageti me bruceloze

Lajmin e kane bere te ditur burime te Drejtorise Rajonale se Bujqesise, Ushqimit dhe Mbrojtjes se Konsumatorit te ketij qarku.

Po keto burime sqaruan se keto krere bagetish te prekura me semundjen e brucelozes jane identifikuar ne po ato vatra infeksioni te njohura nga specialistet e blegtorise.

Kryeveterineri i Drejtorise Rajonale te Bujqesise, Ferdinand Mimani, pohon per gazeten se keto 422 krere bageti te imta jane identifikuar gjate muajit te fundit, te cilat kane qene kryesisht dele te fermereve te fshatrave Tozhan, Komuna Terpan dhe Plashnik-2, Komuna Sinje ne Rrethin e Beratit dhe Potom, Grecke, Komuna Qender ne Rrethin e Skraparit.

Sipas tij, gjate muajit te fundit jane shfarosur sipas rregullave nga qendrat e kontrollit zooveteriner 172 krere te imta ne zonat malore te Rrethit te Skraparit dhe 250 krere ne zonat malore te Rrethit te Beratit.

Po sipas tij, Qarku i Beratit ka gjithsej 220 mije krere bageti te imta, ku jane gjurmuar vetem 27% e tyre ose rreth 40 mije krere per shkak te terrenit te thyer e shume te larget nga qendrat e kontrollit zooveteriner.

Mimani tregon se semundja e brucelozes ka ardhur duke u kufizuar, pasi nga 12 vatra infeksioni qe kane qene vitin e kaluar, sivjet jane identifikuar vetem 5 vatra infeksioni.

Nderkohe, edhe numri i njerezve te prekur nga kjo semundje eshte ulur, nga 46 veta gjate vitit te kaluar, ne 14 veta gjate ketij viti.

Top Channel