Presidenti i Republikes, Bamir Topi deklaron se Shqiperia eshte e angazhuar ne permbushjen e standarteve demokratike, pjese e rendesishme e te cilave eshte edhe lufta kunder krimit te organizuar, korrupsionit dhe krimit ekonomik.
Duke folur ne forumin Krans Montanes mbi krimin transnacional, kreu shqiptar theksoi se nje rendesi e vecante i eshte kushtuar jo vetem miratimit te nje kuadri ligjor bashkekohor, por edhe institucionalizimit te bashkepunimit te agjensive te specializuara vendase dhe te huaja.
“Te ndergjegjshem se ky fenomen eshte rajonal dhe global, ne e kemi shtrire bashkepunimin me vendet e Evropes Juglindore ne keto thellim te punes me strukturat e agjencive informative te sigurise, strukturat e policise e prokurorise se vendeve te rajonit. Po ashtu kemi marre masa per menaxhimin e integruar te kufijve, monitorim te transaksioneve financiare te dyshimta, evidentim dhe goditje te formave te korrupsionit”, u shpreh Topi.
Forumi i Krans Montanes qe mbahet sot dhe neser ne pallatin e Asamblese Kombetare ne kryeqytetin francez ka si teme “Bota pas G-20-s, qeverisja globale dhe luften kunder krimit transnacional”.
Te ftuar te posaçem ne kete Forum se bashku me Presidentin e Republikes, do te jene dhe Princi Nikolaus fon Lihtenshtajn, Ambasador ne Belgjike dhe Bashkimin Evropian, si dhe zonja Ygete Labele, Kryetare e Transparency International. Forumi do te drejtohet nga Kryetari dhe themeluesi i Forumit te Krans Montanes, Zhan Pol Karteron.
Top Channel
