Thaci: Zgjedhjet lokale, historike per Kosoven

Ne nje interviste per Top Channel, Thaci ka shprehur bindjen e tij se procesi zgjedhor do te shkoje mire dhe se Kosova do t’i tregoje komunitetit nderkombetar se eshte nje shtet me standarte demokratike.

“Zgjedhjet e 15 nentorit kane nje mesazh historik dhe vlere historike per shtetin dhe popullin tone. Jane zgjedhjet e para demokratike ne Kosoven e pavarur dhe presim te fitojme betejen demokratike, per te bindur skeptiket se shteti i Kosoves ka hyre ne nje sukses te plote qe e meritojne te gjithe qytetaret dhe politikanet”, ka pohuar Thaci.

I pyetur per ofertat e tij te bera gjate fushates elektorale, kreu i qeverise kosovare ka theksuar se ato jane reale dhe ka nenvizuar se ato do te realizohen gradualisht te gjitha.

“Ofertat qe kam prezantuar jane oferta qe secili qytetar duhet te reflektoje tek besueshmeria ose jo. Ofertat qe kam bere ne 2007-en kane filluar te realizohen. Kam besim te plote se planin ne nivel lokal do ta realizojme plotesisht. Do te bashkepunoj me kedo qe do te fitoje ne zgjedhje”, eshte shprehur Thaci.

Ndersa persa i perket koalicionit me LDK, i cili gjate fushates eshte vene ne pikepyetje, Thaci ka shprehur bindjen e tij se aleanca vetem sa do te forcohet nga keto zgjedhje.

“Polemikat ne fushate me teper i vleresoj si ballafaqim te debateve serioze per te ardhmen e komunave te Republikes se Kosoves. PDK dhe LDK jane partnere ne koalicion edhe per shtet dhe per pushtet. Nga keto zgjedhje koalicioni vetem sa do te forcohet. Ballafaqimet e projekteve ne nivel lokal nuk do ndikojne ne fuqizimin e shtetit”, ka deklaruar Thaci.

I pyetur lidhur me deklaratat e misionit EULEX, se do te hetoje korrupsionin ne nivelet e larta, kryeministri kosovar ka theksuar se qeveria e tij do te punoje ngushte me misionin evropian ne verifikimin dhe ndeshkimin e rasteve te korrupsionit.

Gjithashtu, ai ka hedhur poshte zerat se familjare te ministrave te kabinetit te tij jane perfshire ne pastrim parash, duke i cilesuar ato si “shpifje te uleta”.

“Prioritetet e qeverise jane prioritet i EULEX dhe ne do te kemi nje bashkepunim shume te ngushte ne luften kunder korrupsionit dhe krimit te organizuar. Do te ndjekim moton tone “zero tolerance”. Zerat se familjaret e ministrit te Transporteve jane marre me pastrim parash jane vetem shpifje dhe gjera te uleta”, ka shtuar Thaci.

Top Channel