Privatizimi i INSIG, nga Financat tek Ekonomia

12/11/2009 08:20

Qeveria shqiptare e ka hequr kompanine  shteterore te sigurimeve INSIG nga lista e ndermarrjeve strategjike, si dhe ia ka hequr kompetencat e privatizimit ministrise se Financave per t’ia kaluar Ministrise se Ekonomise permes nje ndryshimi ne Ligjin per Strategjine e Privatizimit te Sektoreve te Rendesise se Veçante.

Ndryshimi i ligjit u miratua ne tetor.

Heqja e INSIG nga lista e sektorit strategjik ben te mundur shitjen e kompanise me kushte me te buta nga sa qe percaktuar per privatizimet strategjike.

Qeveria ka miratuar nje ligj te ri me ane te se cilit ofrohet per shitje 100 per qind e aksioneve dhe per kete kompani, mund te bejne oferta edhe vendesit.

INSIG eshte sot 100 per qind nen pronesi shteterore dhe privatizimet e saj kane deshtuar vazhdimisht gjate shtate viteve te fundit, gje qe e ka shtyre qeverine te beje vazhdimisht ndryshime ligjore.

Dy institucione financiare nderkombetare, IFC dhe BERZH, blene paketa minoritare aksionesh ne vitin 2003 ne mbeshtetje te procedures se privatizimit, por as ky veprim nuk e lehtesoi privatizimin.

Vitin e kaluar, te dyja institucionet nenshkruan nje marreveshje konfidenciale me qeverine per rikthimin e aksioneve nen pronesi shteterore, perkundrejt nje çmimi qe u mbajt sekret.

“Çmimi i perfituar nga shitja qe çmimi i blerjes plus nje marzh i vogel”, deklaroi pak kohe me pare nje zyrtar i BERZH, i cili ritheksoi karakterin sekret te marreveshjes se rishitjes se aksioneve. BERZH dhe IFC i blene aksionet e INSIG-ut ne vitin 2003 me nje çmim te percaktuar me negociata te drejtperdrejta.

Kompania konsulente per shitesin e vleresoi kompanine 2.8 miliarde leke, ndersa konsulenti i bleresit e vleresoi 3.2 miliarde. Ne ate kohe, INSIG zoteronte vetem asete likuide, (investime ne bono thesari), me vlere te pergjithshme prej 4 miliarde lekesh.

Top Channel