Enti Rregullator i Energjise hodhi poshte dy kontrata per importin e energjise elektrike te paraqitura per miratim nga Operatori i Sistemit te Shperndarjes per shkak te mosrespektimit te rregullave ne proceduren e tenderimit. Vendimi i marre nga ERE me 15 tetor, u publikua dje.
“Pas shqyrtimit te procedures se prokurimit te zhvilluar nga shoqeria OSSH sh.a, si dhe duke iu referuar rregullave te procedurave standarde te prokurimit te energjise elektrike nga OSSH sh.a, ne procesion e negocimit nuk eshte realizuar kushti qe çmimi i pranuar ne kontrate te jete me i ulet se çmimi i ofruar ne tenderin e anuluar perpara se te filloje procedura e negocimit”, shkruhet ne vendimin e Entit, duke argumentuar edhe arsyen e mosmiratimit te kontratave.
OSSH pati hapur nje tender per importin e nje pjese te nevojave te vendit per energji elektrike per vitin 2010 dhe pas anulimit te tenderit pati hyre ne negociata te drejtperdrejta. Ne perfundim te negociatave, dy kompanite serbe, RUDNAP group AD dhe Energy Financing Team AG, u kontraktuan nga OSSH per blerjen e energjise se nevojshme per vitin 2010. ERE thote se negociatat me kompanite qe kane marre pjese ne tender, duhet gjithsesi te japin nje çmim me te ulet sesa ai i ofruar ne tender gjate negociatave te drejtperdrejta, gje qe ne rastin konkret nuk ka ndodhur.
OSSH ka parashikuar se çmimi mesatar i energjise elektrike qe do te importohet vitin e ardhshem ne vendin tone do te jete rreth 51.78 EUR/MWh, pak me lart se sa kostoja mesatare e ketij viti prej 49.42 EUR/MWh. OSSH blen me çmim tregu nje sasi energjie te barabarte me humbjet joteknike, (vjedhje) te cilat ka edhe detyrim t’i reduktoje, ndersa pjesa tjeter e energjise blihet nga KESH me çmim te percaktuar nga Enti Rregullator.
Humbjet e blera me çmim tregu llogariten deri ne nje fare mase si pjese e kostos, pra rritja e kostos se importit te energjise per te mbuluar humbjet, sjell per pasoje edhe rritjen e çmimeve per konsumatoret.
Per kete arsye, ERE, e cila ka per detyrim ligjor te mbroje interesat e konsumatoreve, i ka kerkuar OSSH-se qe energjine e blere ne tregun rajonal, ta kontraktoje ne baze te procedurave tenderuese qe duhet te synojne çmim sa me te ulet te jete i mundshem.
Top Channel
