Kombetarja shqiptare ka bere nje ndryshim te detyruar vetem pak ore perpara nisjes ne Estoni. Gentian Muça nuk do te jete pjese e kontingjentit qe do te grumbullohet prej dites se sotme ne Talin.
Edhe pse ka marre thirrjen e pare ne perfaqesuesen kuqezi, mesfushori “shkaterrues” e ka te pamundur t’i bashkohet ekipit te Josip Kuzhese per shkak te problemeve burokratike.
Lojtari, i cili po shkelqen ne kete sezon te Dinamo, nuk eshte pajisur me vize dhe ne vend te tij trajneri kroat thirri Gjergji Muzaken. 22-vjeçari Muça e ka fituar nje ftese per miqesoren e 14 nentorit pas paraqitjeve te mira ne Kategorine Superiore, ndersa ka qene ne siten e Kuzhese ne takimet me Teuten, Laçin, Flamurtarin e Tiranen.
Tekniku e ka vezhguar ish-lojtarin bardheblu edhe ne sfiden e djeshme, ku blute e Shkelqim Muçes fituan 1-0 ne fushen e Beses. Muça shihej si nje alternative e mire per qendren e mesfushes, repart ku mungojne Altin Lala (i demtuar prej shume javesh) dhe Ervin Bulku.
Problemet e mesfushorit te kryesuesve te kampionatit i kane hapur rruge nje tjeter lojtari qe spikat ne kampionatin tone. Behet fjale per Gjergji Muzaken, i cili eshte konfirmuar si nje pike e forte e Tiranes.
Perveç punes ne krahet e mesfushes, se fundmi 25-vjeçari ka gjetur me lehtesi edhe golin: ai ka realizuar tri nga dhjete rrjetat e Tiranes, e fundit ishte ajo ne javen e nente, qe u dha bardhebluve fitoren 1-0 ne Shkoder. Muzaka ka qene ne orbiten e Kombetares, qe prej aktivizimit me Kombetaren “B” ne miqesoren e 12 majit kunder Milanit.
Ai shenoi njerin prej golave ne barazimin 3-3 (kishte shenuar edhe ne miqesoren e pak muajve me pare qe Tirana fitoi 2-1 me gjigandet italiane), ndersa me pas u grumbullua ne skuader per takimin e 6 qershorit me Portugaline dhe miqesoren e barazuar 1-1 me 10 qershor me Gjeorgjine. Ne ndeshjen e dyte Muzaka u aktivizua si titullar, per t’u zevendesuar menjehere prej fillimit te pjeses se dyte nga Bylykbashi.
Top Channel
