INSTAT nis regjistrimin, panik te bizneset

Plani per klasifikimin e sakte te ndermarrjeve, enteve ekonomike private eshte ligjeruar dje me voten pro qe i dha Komisioni Parlamentar i Ekonomise.

Ajo qe shqeteson palet ne kete proces eshte nxjerrja e te dhenave sekrete ne sherbim te konkurrentit, pasi ne regjister do te jene emrat e pronareve, administratoret, aksioneret dhe pjesemarrja e tyre ne kapitale, e deri te xhirot e aktivitetit.

Por perfaqesuesit e INSTAT garantojne respektim te privatesise, madje kane vendosur ne dy nene te projektligjit masa te forta ndeshkuese deri ne 100 mije leke per ato qe shkelin ligjin.

Projekti eshte pjese e programeve te financuara nga Bashkimi Europian dhe kushton rreth 2.5 milione euro, ndersa regjistrimi mund te nise ne fillim te vitit, sapo te perfundoje tenderi.

Gjate miratimit te projektligjit “Per regjistrin e pergjithshem te njesive ekonomike jobujqesore”, anetaret e komisionit paraqiten sugjerimet e tyre, duke ndryshuar disa nene.

Debate pati per kriteret e marrjes ne pune te personave qe do te perfshihen ne projekt, pasi propozimi i INSTAT nuk i percaktonte qarte kushtet.

Ne teresi projektligji kishte shume defekte teknike, lapsuse dhe perkthime gabim, duke krijuar konfuzion ne komision, aq sa per 19 nene u deshen rreth 1 ore e gjysme debate.

Regjistrimi i njesive ekonomike (ndermarrjet) sherben per qellime statistikore, jo thjesht si numer biznesesh ne vend, por per detaje me te shumta, si prezenca e biznesit te huaj, ndarja e kapitalit, perqendrimi ne rajone, klasifikimi (i vogel apo i madh), prezenca ne sektore te ndryshem, etj.

INSTAT-i ka ndertuar ne vitin 1994, regjistrin administrativ te ndermarrjeve dhe ne vitin 1998, regjistrin statistikor.

Burime te INSTAT sqarojne se QKR-ja permban te dhena vetem per bizneset e regjistruara ne dy vitet fundit, duke mos pasur nje ide te qarte te te dhenave.

Top Channel