BB: Mos i rrisni pensionet ne te ardhmen

Studimi ben thirrje qe qeverite e vendeve te rajonit te eliminojne skemat e pensioneve te parakohshme, te rrisin moshen e pensionit dhe te barazojne moshen e daljes ne pension te burrave dhe grave, si e vetmja menyre per te shmangur nje krize afatgjate qe po akumulohet dalengadale.

“Kriza financiare i demton komponentet e ndryshem te sistemeve te pensioneve ne menyre te ndryshme”, thote Anita Schwarz, autorja kryesore e raportit.

“Renia e shpejte e prodhimit dhe reduktimi i bazes se pergjithshme te taksave ka reduktuar njekohesisht fondet e disponueshme per skemat e pensioneve, ndersa rritja e papunesise dhe ulja e taksave demton sistemet e financuara nga kontributet e te punesuarve”.

Sistemi aktual i pensioneve ne Shqiperi perdor te ardhura nga te punesuarit e sotem per te paguar pensionistet, por per shkak se ne Shqiperi ka rreth 400 mije te punesuar me kontribute per 530 mije pensioniste, buxheti i shtetit mbulon gati 40 per qind te shpenzimeve.

Per me teper, qeveria shqiptare ka parapelqyer te rrise pensionet shpesh me ritem me te larte se sa rritja e te ardhurave te buxhetit te shtetit, gje qe duket se po akumulon nje problem gjithnje e me te madh.

Skema e sigurimeve shoqerore ka ne plan te mbledhe 47 miliarde leke nga kontributet e te punesuarve kete vit, ndersa shpenzimet pritet te arrijne ne 71.6 miliarde leke.

Diferenca prej 24.1 miliarde lekesh (rreth 180 milione euro), mbulohet nga buxheti i shtetit. Deficiti mes te ardhurave dhe shpenzimeve pritet te rritet vitin e ardhshem ne 25.7 miliarde leke, pasi nuk parashikohet rritje pagash, por vetem indeksim.

Diskutimi eshte se numri i pensionisteve ne Shqiperi pritet te rritet me shpejtesi gjate viteve te ardhshme, si pasoje e faktit se shume nga shqiptaret qe dolen ne reforme nga shembja e komunizmit pritet te mbushin moshen per pension.

Top Channel