AH1N1, gjashte raste te renda ne Tirane

Instituti i Shendetit Publik ka raportuar plot 300 persona te konfirmuar nga gripi i derrit, nderkohe qe te prekurit nga gripi i zakonshem jane ne mbi 17 mije persona brenda nje jave.

“Sigurisht qe numri i te prekurve nga gripi i derrit eshte edhe me i larte, por numri i rasteve te konfirmuara eshte ne rreth 300. Ne vemendje te ekzaminimeve jane analizimi i mostrave per personat me komplikacione apo ne gjendje te rende. Jane ulur ekzaminimet e rasteve te zakonshme”, tha drejtori i Politikave Shendetesore ne Ministrine e Shendetesise, Pellumb Pipero.

Sipas ekspertit kryesor, pergjegjes per çeshtjen e situates se gripit te derrit, veç rasteve te prekura dhe te tjereve te pakonfirmuar, jane edhe gjashte persona ne gjendje te rende.

Jane gjashte paciente, te cilet per disa dite me radhe ndodhen ne gjendje te rende. Instituti i Shendetit Publik ka konfirmuar se te semuret jane te prekur nga gripi i derrit, AH1N1.

Te gjashte pacientet ndodhen ne Tirane, ne qendren spitalore universitare “Nene Tereza” dhe ne qendren universitare te semundjeve te mushkerive, “Shefqet Ndroqi”.

Kater prej pacienteve jane ne moshe te re, nderkohe qe po mbahen nen vezhgimin e mjekeve ne sherbimet e specializuara.

Pacientet jane trajtuar me tamiflu dhe po qendrojne ne terapi, por gjendja e tyre nuk ka pasur asnje permiresim gjate ketyre diteve.

“Jane gjashte paciente ne gjendje te rende, kater prej tyre jane ne moshe te re. Gjendja e tyre eshte stacionare, e qendrueshme. Te prekurit nga virusi vuajne edhe nga probleme te tjera shendetesore”, sqaroi Pellumb Pipero.

Top Channel