Nisme ankandi per “gropen e sherrit”
04/11/2009 16:45
Reshje shiu dhe temperatura të larta, ja si parashikohet moti këtë të martë 06/05 07:29
Toka ne qender te Tiranes, per te cilen u konfliktuan disa dite me radhe qeveria dhe bashkia e Tiranes, nuk do te jete edhe per shume kohe mjedisi i gjelber qe inauguroi te marten ministri Sokol Olldashi.
Ajo do te shitet ne ankand nga qeveria, me qellim kompensimin financiar te ish-pronareve. Lajmi u be i ditur ne mbledhjen e qeverise nga kryeministri Sali Berisha, sipas te cilit me pare duhen bere disa nderhyrje ne legjislacion.
Kryeministri iu referua nje ligji te 94-es, i cili nuk e lejon qeverine te shese prone publike, pervecse me vendim qeverie dhe per qellime te caktuar. Tek keto qellime do te perfshihet kompensimi i ish-pronareve.
“Ketu nuk jane ne loje shuma te vogla, por te pakten 110 milione euro. Qeveria nuk do te inkasoje per buxhetin e vet as edhe nje qindarke, te gjitha do shkojne ne fondin e kompensimit te pronareve. Ndoshta edhe ligj i vecante per shitjen e tyre me ankand dhe do kompensojme pronaret. Fondi do kaloje i teri per kompensimin e pronareve”, u shpreh Berisha.
Kryeministri Berisha beri nje historik qe nga viti 1932 per te treguar se toka ne qender te Tiranes ishte prone publike dhe pas shpronesimit nga mbreti Zog, nuk i perket askujt tjeter vecse shtetit.
“Fallsifikatoret duhet te marrin ate qe meritojne dhe ata qe mbrojne fallsifikimin.Do te bashkerendoni veprimtarine dhe zemra e Tiranes, qe si pa gje te keq, si lukuni, donin ta merrnin me nje firme te nje njeriu te papergjshem”, u shpreh Berisha.
Ne mbledhjen e radhes, qeveria ka miratuar edhe disa vendime qe i hapin rruge, me nisjen e vitit te ardhshem, regjistrimit te pergjithshem te popullsise dhe pronave te tyre ne te gjithe vendin, duke krijuar keshtu edhe fondin perfundimtar dixhital te pronesise.
Top Channel
