Gjate samitit te Brukselit kryeministri grek Jorgos Papandreu deklaroi se vendet e Ballkanit duhet te anetaresohen ne Unionin Europian brenda vitit 2014.
Tashme mesohet se ai e ka zyrtarizuar kete kerkese.
“Kishim rastin te paraqesim nje iniciative te re, nje vizion te ri per integrimin europian te rajonit. Duke marre nje objektiv simbolik, por edhe te guximshem, per anetaresimin e Ballkanit Perendimor ne Bashkimin Evropian deri ne vitin 2014, domethene 100 vjet pas fillimit te Luftes se Pare Boterore ne Sarajeve”, tha Papandreu.
Nga ana tjeter kryeministri ka perseritur kerkesen per zgjidhjen e ceshtjes se emrit te Maqedonise.
Duke folur per takimin e shkurter me homologun e tij maqedonas, Nikola Gruevski, Papandreu tha se ishte nje rast per t’i theksuar drejtperdrejte vijen e kuqe te Greqise, qe shprehet ne qendrimin e njohur per nje emer me percaktim gjeografik qe te perdoret kundrejt te gjitheve.
“Besoj se jam shprehur qarte dhe ia thashe edhe zotit Gruevski, se qe te kete fillim te negociatave anetaresuese, duhet te gjendet zgjidhje ne çeshtjen e emrit”, u shpreh Papandreu.
Pala greke, edhe pas samitit ne Bruksel e perjashtoi mundesine e negociatave te drejtperdrejta ne çeshtjen e emrit, dhe theksoi se ato do te vazhdojne nen kujdestarine e OKB-se.
Top Channel
