Papandreu: Ballkani ne BE, ne 2014

Ne kete samit Greqia paraqiti si prioritet te qeverise helene zgjerimin e BE me Ballkanin, madje duke synuar vitin 2014 per integrimin e vendeve te ketij rajoni.

“Pas axhendes se Selanikut ne vitin 2003, kur u hodhen themelet e zgjerimit me Ballkanin, ne keto vitet e fundit rajoni ka humbur orientimin dhe ne duam t’i japim nje dinamike te re, pa ulur standartet qe duhen plotesuar, por duke reduktuar burokracine, me qellimin perfundimtar perfshirjen e Ballkanit ne BE 100 vjet pas Luftes se Pare Boterore”, deklaroi Papandreu.

Per mediat kombetare ne gjuhen greke ai shtoi se, kesaj dinamike do t’i kontribuoje dhe zgjidhja e çeshtjeve bilaterale me vendet fqinje, siç eshte edhe ajo e  emrit me ish-Republiken Jugosllave te Maqedonise.

Ne kete pike, Paprandreou nuk perjashtoi mundesine e perdorimit te vetos ne samitin e dhjetorit, kur pritet te celen negociatat e anetaresimit me Maqedonine.

Kryeministri i sapozgjedhur tregoi se kete qendrim ia kishte shpjeguar dhe shefit te qeverise maqedonase, Nikolla Gruevski gjate takimit 20-minutesh qe zhvilloi me te dje perpara mbajtjes samitit europian ne Bruksel.

Gazetaret e huaj u lejuan pa kameramane qe te marrin pjese ne konferencen nacionale te Greqise, por vetem per te degjuar biseden e kryeministrit me gazetaret e vendit te tij ne gjuhen helene.

I vetekenaqur nga takimi me gazetaret greke, kryeministri Papandreu nuk ka pranuar te flase per mediat e huaja ne kete vizite te pare dy ditore ne Bruksel.

Top Channel