Konfindustria: Qeveria po na diskriminon
30/10/2009 08:45
Reshje shiu dhe temperatura të larta, ja si parashikohet moti këtë të martë 06/05 07:29
Biznesi shqiptar u ankua dje, per faktin se nje projektligj i pergatitur nga Ministria e Drejtesise synon te mbroje investimet e huaja nga gjykatat shqiptare, por jo investimet vendase.
“I kerkojme qeverise te permiresoje projektligjin “Per disa ndryshime ne ligjin ‘Per investimet e huaja’, sipas te cilit privilegjohen ndjeshem investitoret e huaj krahasimisht investitoreve vendas ne te gjitha marreveshjet e dyanshme me pale te treta, ku njera pale eshte shteti shqiptar”, deklaroi dje Gjergj Buxhuku, administrator i Konfindustrise.
“Konfindustria shprehet parimisht ne mbeshtetje te plote te projektligjit. Jemi dakord nese fusha e tij e zbatimit do te perfshinte te gjitha llojet e investitoreve, pa dallim vendit te origjines se kapitalit”, shtoi Buxhuku.
Projektligji parashikon heqjen e se drejtes se gjykatave shqiptare per pezullimin dhe/ose nderprerjen e investimit te huaj dhe deri fillimin e procedurave te shpronesimit per interes publik te pasurive te patundshme te kerkuara ligjerisht me rruge gjyqesore nga pale te treta. Nderkohe, qe nje e drejte e tille thelbesore nuk jepet per investitoret shqiptare te ndodhur ne te njejtat kushte.
Ligji per mbrojtjen e investimeve te huaja eshte ndryshuar kryesisht ne nenin 8 te tij, duke iu shtuar tri pika, te cilat sqarojne proceduren qe duhet ndjekur ne rastet kur ka proces gjyqesor apo padi. “Ne rast te paraqitjes se nje padie sipas pikes 4 te ketij neni, gjykata nuk urdheron nderprerjen apo pezullimin e investimit te huaj, si mase e sigurimit te padise, per shkak se ekzekutimi i vendimit perfundimtar gjyqesor nuk behet i pamundur ose i veshtire”, thuhet ne piken 5 te nenit 8.
Pikerisht ky paragraf i jep imunitet investitorit qe te mos preket nga proceset gjyqesore apo padite ndaj tij, ne rastet kur persona te ndryshem pretendojne se jane pronare te truallit apo objektit. Megjithate, nje tjeter pike e ligjit sqaron edhe proceduren qe duhet ndjekur ne rast se investitori humb gjyqin. “Avokatura e shtetit njofton menjehere organin shteteror kompetent per shpronesimin, per te filluar menjehere proceduren e shpronesimit”, pra, qeveria shproneson pronaret e truallit, ndersa investitori i huaj vijon normalisht punen.
Investitoret e huaj gezojne aktualisht mbrojtjen e ambasadave dhe ne disa raste, edhe te qeverive te vendeve nga vijne, por projektligji i ri i qeverise synon t’u jape atyre edhe imunitet nga gjykatat shqiptare, gje qe i kthen pronat e te huajve de fakto ne siperfaqe ekstraterritoriale ne Shqiperi. Projektligji hap edhe mundesine per spekulime te shumta, per shkak se cdokush mund te regjistroje nje kompani ne Zvicer apo parajsa te tjera fiskale dhe te klasifikohet ne kete menyre si investitor i huaj, pavaresisht se mund te mos jete i tille. Projektligji sanksionon shpronesim per interes publik te cfaredolloj territori te vendit qe qeveria ia ka dhene gjate viteve te shkuara apo mund t’ia jape ne te ardhmen investitoreve te huaj.
Top Channel
