Ministri kosovar i Transportit dhe Poste- Telekomunikacionit, Fatmir Limaj, ka zhvilluar ne Napoli nje takim me ministrin e Transportit te Italise, Matteoli.

Ata kane biseduar per zhvillimin e infrastruktures rrugore ne Kosove, me ndertimin e rrugeve te reja ne gjithe vendin, ne vecanti me projektin e fundit, autostraden Merdar-Morine, e cila do ta shnderroje Kosoven ne nyje te rajonit qe do te kete nje impakt te fuqishem ekonomik.

Sipas nje komunikate nga Ministria e Transportit, dy homologet po ashtu kane diskutuar per lehtesimin e qarkullimit te udhetimit te emigranteve kosovare ne Itali dhe anasjelltas, si dhe per njohjen e patentave te shofereve te Republikes se Kosoves.

Ne kete takim, gjithashtu eshte rene dakord qe te formohet nje komision teknik per te pergatitur marreveshjet ne fushen e transportit rrugor ndermjet Kosoves dhe Italise, gje qe do te rriste bashkepunimin mes dy shteteve, si dhe do te ndikonte drejtperdrejt ne zhvillimin ekonomik te tyre.

Ministri Limaj po qendron ne Itali me ftese te ministrit italian te Transportit, Altero Matteoli dhe te zv.presidentit te Komisionit Evropian, Antonio Tajani. Ai po merr pjese edhe ne konferencen “E ardhmja e lidhjeve te transportit evropian”.

Top Channel