Mike Tyson, ose sic njihet ndryshe “Njeriu i hekurt” i ka treguar Amerikes anen e tij njerezore. Kete e ka bere ne dokumentarin “Tyson” por e rithekson edhe ne show-n e Oprah Winfrey.
“Ne femijeri isha i shendoshe dhe te gjithe talleshin me mua. M’u desh te perballesha me nje ndjenje te madhe inferioriteti. Nje dite, nje prej cunave te lagjes i preu koken nje zogu qe po rrisja dhe ma vendosi para fytyres. Une thirra mamane per t’i kerkuar ndihme por dikush me tha se duhej te perballesha vete me kete problem. E bera nje gje te tille dhe qe atehere nuk kam mundur t’i evitoj perleshjet”, shprehet ish boksieri 43 vjecar.
Pas vdekjes se mamase ne moshen 16 vjecare, per te u kujdes trajneri Cus D’Amato, i cili e pergatiti per te qene njeriu me i fuqishem ne bote. “Bera gjithcka qe me tha dhe fitoret erdhen njera pas tjetres deri ne titullin kampion bote per peshat e renda. Stervitesha duke besuar se isha Zoti. Cus me mesoi te isha i furishem brenda dhe jashte ringut dhe te mos kisha emocione”, shprehet “Iron Mike”.
Ne vijim te intervistes ai pranoi se nuk ka qene besnik ndaj femrave te tij, pervec bashkeshortes aktuale. Mike nuk la pa permendur as burgun ku kaloi 3 vjet te jetes se tij per shkak te perdhunimit te Desiree Washington. “Ai nuk ishte vendi i duhur per mua. Nuk e dija me kush isha. Nuk je i lire por humbet edhe moralin. Mendon edhe per besimin sepse ne ate vend gjithcka qe ndien eshte urrejtja. Sapo dola nuk isha gati per ne ring pasi isha i ngarkuar me shume urrejtje”, shprehet Mike, i cili urrejtjen e shfryu ne perballjen me Evander Holyfield ne vitin 1997 duke i ngrene dy here veshet.
“Isha i nxehur sepse po me mundte dhe doja t’i shkaktoja dhimbje. Atehere nuk u ndjeva fajtor per ate gjest. Kerkova falje por nuk ishin te sinqerta. Tani jane te tilla”, shton ish boksieri. Pas skualifikimit per kete ngjarje, filluan edhe problemet financiare per Mike. “U zhyta ne droge dhe arrita ne nje pike qe do merrja fund nese nuk rregulloja gjerat me gruan time. Tani nuk dua me ta kaloj ate rruge pasi e di shume mire cfare do te thote te ecesh ne nje rruge te erret, te takosh djallin dhe te shoqerohesh me te per ca kohe”.
Ne 27 maj 2009, vajza e Tyson, Exodus, vdiq ne moshen 4 vjecare. “Ende nuk e di se cfare ka ndodhur saktesisht sepse nese dikush eshte pergjegjes, ky do ishte nje problem. Mund ta kisha kaluar me urrejtje kete gje por per fat te mire vura ne pune mesimet e marra gjate periudhes se rehabilitimit”, thekson 43 vjecari.
Ai shton gjithashtu se ne rrugen e drejte po e mbajne gruaja dhe femijet. “Jam i kenaqur qe u martova dhe qe kam ne krah nje grua qe ndan jeten me mua e me kupton se prioriteti kryesor qe kam jane femijet. Jam 43 vjec dhe u lodha duke qene vetem. Fatmiresisht ne kete rruge kam edhe bashkeshorten me te cilen po rris 7 femijet e mi per t’u dhene atyre nje jete me te mire”, perfundon boksieri amerikan.
Top Channel
