Komisioni i Disiplines ne FSHF ka vepruar menjehere pas dhunes se shfaqur ne fushen e Librazhdit, ku viktima kryesore ishte gjyqtari Adrian Rama.
Per kete ngjarje eshte bere “shembull” kapiteni i Sopotit, Shkelqim Hajdari, i cili ishte edhe dhunuesi i “xhaketes se zeze”, ndersa masat nuk munguan as per skuadren.
“Per goditje me shkelm te kundershtarit dhe goditje me shkelm e grushte te arbitrit, futbollisti i Sopotit, Shkelqim Hajdari, pezullohet per tre vjet nga cdo aktivitet futbollistik dhe gjobitet me 200 mije leke te reja”, ishte vendimi i disiplinorit.
Per dhunen e ushtruar ndaj treshes se gjyqtareve, i cili nuk e nderpreu ndeshjen per te mos krijuar probleme sociale dhe hedhjes se sendeve te forta ne fushe, Sopoti humbet 2:0 ne tavoline ne takimin me Elbasanin dhe gjobitet me 200 mije leke.
Gjithashtu, kesaj skuadre i jane zbritur 3 pike ne klasifikimin e pergjithshem, ndersa do te luaje dy ndeshje ne fushe asnjanese per mungesen e sigurise ne Librazhd.
Top Channel
