Traktati, irlandezet frike nga zgjerimi i BE
02/10/2009 20:10
Tërmeti në Kretë, shënohen disa pasgoditje! Lëkundjet shkaktojnë panik te banorët 22/05 09:14
Nje problem tjeter qe shqeteson qytetaret e Irlandes nga Traktati i Lisbones eshte druajtja nga zgjerimi.
“Nje pjese e klases punetore ne Irlande kane rezerva per zgjerimin kur shohin qe te huajt zene vendet e punes se irlandezve, por ne pergjithesi mendoj se populli yne eshte ne favor te zgjerimit”, deklaron Tony Connelly, korrespondent irlandez ne Bruksel.
Sipas sondazheve, kesaj radhe do te votohet pro Traktatit te Lisbones ne nivelin 53%.
“Nese Traktati i Lisbones nuk ratifikohet, atehere vendet e Ballkanit do te perballen me situaten me te veshtire, por nese ratifikohet, nuk eshte vecse nje gjemb i hequr, por qe s’menjanon gjithsesi faktin qe vullneti politik i nje pjese te mire te vendeve anetare te mbetet perseri siperfaqesor per zgjerimin me Ballkanin”, shprehet Marianne Donny, eksperte e legjislacionit europian.
E ashtuquajtura kushtetute europiane parashikon te reformoje institucionet e Unionit, qe u krijuan fillimisht per 6 shtetet themeluese, per te krijuar kapacitetet e nevojshme per zgjerim.
Cdo vend anetar parashikohet qe me Traktatin e Lisbones te kete vetem nje perfaqesues ne Komision, te rritet pushteti i Parlamentit Europian ne vendimmarrje, pasi aktualisht roli i tij eshte me shume konsultues, si dhe parashikohet me traktat largimi vullentar i nje vendi anetar nga Unioni, cfare nuk ishte parashikuar me traktatet ekzistuese.
“Traktati i Lisbones nuk sjell pergjigje institucionale sic pretendohet”, thote Donny.
Ndersa Antonio Missirolli, ekspert nga Qendra e Politikave Europiane shprehet: “Zgjerimi eshte serish ne tavoline sepse traktati i ardhshem i zgjerimit me Kroacine dhe Islanden qe aplikoi, mund te perfshije dhe ndryshimet e nevojshme institucionale, ne menyre qe Unioni te funksionoje ne menyre institucionale per 28 apo 29 vende. Ndaj nuk eshte e pamundur nga ana ligjore, ne rast se do te kemi nje “jo” te Irlandezve, sepse zgjerimi me Kroacine do te pershpejtohet, si hapi i radhes, si plani “C” i Europes, per te kryer reformen e nevojshme institucionale”.
Rezultati i votimit ne Irlande publikohet te shtunen. Qe Traktati i Lisbones te hyje ne fuqi, ai duhet te ratifikohet gjithashtu nga Cekia dhe Polonia.
Top Channel
