Qeveria ka harruar dje te miratoje vendimin per vleresimin e demeve te termetit te 6 shtatorit me epiqender ne Gjorice te Bulqizes.
Vendimi ne fjale eshte diskutuar vetem pas mbledhjes se qeverise, ne Komitetin Nderministror per Integrimin, anetare te te cilit jane edhe Kryeministri dhe zevendeskryeministri.
Ne mbledhjen e ketij komiteti, veprimtaria e te cilit nuk ka lidhje me emergjencat civile, u hodh ne diskutim vendimi per njohjen e demeve me nje vlere prej 129 milione lekesh per 1437 banesa te prekura nga termeti i dates 6 shtator ne fshatrat e Dibres.
Ministria e Brendshme qe ka pergatitur materialin, ka percaktuar edhe listen e emrave me vlerat perfituese qe do te perfitojne nga rreth 129 milione leke te percaktuar per banoret qe u preken nga fatkeqesia natyrore.
Ne dokumentin ku data e termetit eshte shenuar gabim, eshte sqaruar se vleresim i demeve eshte bere ne baze te çmimeve te miratuara per kete qark, nga Enti Kombetar i Banesave.
Nga verifikimet e bera rezulton te jene 1437 banesa te demtuara, me nje vlere demesh te llogaritura ne mbi 129.359.122 leke.
Ne kete vendim eshte parashikuar qe nje pjese e fondit te perballohet nga Ministria e Brendshme ne zerin “Emergjencat Civile”, ndersa pjesa tjeter do te perballohet nga fondi rezerve i buxhetit te shtetit per vitin 2009.
Pas paraqitjes ne mbledhjen e Komitetit Nderministror te Integrimit projektvendimi dhe pritet te marre zyrtarisht konfirmimin ne mbledhjen e ardhshme te Keshillit te Ministrave.
Top Channel
