Shpallen 50 fituesit e shkolles se policise per kete sezon. Pasi kane kaluar disa faza testimi, policia ka reduktuar numrin e konkurrenteve ne 50 veta, ku 15 prej tyre jane me arsim te larte, ndersa 35 te tjere me arsim te mesem.
Sic dihet, per te hyre ne shkollen e policise jane disa kushte dhe duhet t’u nenshtrohesh disa testimeve. Testimi i pare qe kane kaluar konkurrentet ka qene ai me shkrim. Gjithe personat qe arriten te mbledhin piket sipas kufirit te vendosur nga policia, kaluan ne testimin e dyte, qe ishte ai fizik. Pas testimit fizik, ata qe munden te mbijetojne u paraqiten per interviste me goje.
Ne fund te tre testimeve, policia nuk e ka lene me kaq, por ka bere edhe verifikimin e gjithe dokumenteve te paraqitura nga konkurrentet, ku edhe ne kete faze jane skualifikuar disa prej tyre. Me vone, hapi i fundit qe kane kaluar konkurrentet ka qene kontrolli mjekesor, pasi sic dihet, persona me disa lloj semundjesh te vecanta nuk mund te ndjekin shkollen e policise, per shkak te veprimtarise se vecante qe ka.
Sipas te dhenave policore, ne fund te ketyre procedurave pati me shume se 50 persona, te cilet kaluan gjithe fazat, por nevojat e policise per kete sezon shkolle ishin per 50 veta. Ne perfundim u be nje krahasim i pikeve te marra dhe ata qe kishin mbledhur me shume u renditen ne nje tabele perkatese.
Drejtoria e Pergjithshme e Policise se Shtetit njoftoi 50 fituesit per kandidate per Patrulle te Pergjithshme se duhet te paraqiten ne daten 5 tetor prane Qendres se Formimit Policor (akademia e policise “Arben Zylyftari”) per te vazhduar studimet. Bie ne sy qe ne listen e publikuar nga policia per fituesit e Shkolles se Policise jane vetem tri femra, ndersa pjesa tjeter perbehet nga meshkujt.
Top Channel
