Kancelarja gjermane Angela Merkel, fituese e zgjedhjeve, do te nise sot pergatitjet per negociata te veshtira me partine Demokratet e Lire per hartimin e nje programi te koalicionit qeverises per uljen e taksave dhe kryerjen e reformave te rendesishme ekonomike, pas fitores se zgjedhjeve te djeshme federale.
Konservatoret e Merkelit siguruan nje shumice parlamentare ne koalicion me FDP-ne ne zgjedhjet politike, qe i dhane fund partneritetit te saj te padeshiruar katervjeçar me rivalet socialdemokrate (SPD).
Por partite e qendres se djathte, qe per here te fundit qeverisen se bashku Gjermanine ne periudhen 1982-19998 nen drejtimin e kancelarit Helmut Kohl, tashme u duhet te gjejne kompromise ne lidhje me çeshtje qe variojne nga taksat, politikat e tregut te punes dhe siguria e brendshme.
“Synojme te fillojme me shpejtesi bisedimet me qellim qe qeveria e re te nise pune sa me shpejt. Mbetet shume per t’u bere”, deklaroi mbreme Merkel.
Qeveria e ardhshme perballet me sfida te medha ne fushen e ekonomise. Asaj do t’i duhet te konsolidoje deficitin buxhetor ne rritje te ekonomise me te madhe ne Evrope, zgjidhe çeshtjen shqetesuese te rritjes se papunesise dhe shmange perfundimisht krizen e kreditimit, pasi bankat ende te dobeta nga kriza financiare ngurojne ne dhenien e kredive.
Top Channel
