Reuters: Zgjedhje te rrezikshme ne Greqi

Megjithese ne ditet e ardhshme shume vende europiane si Gjermania, Portugalia dhe ndoshta edhe Cekia, zhvillojne edhe ato garat e tyre elektorale,vemendja e agjensise boterore te lajmeve fokusohet ne zgjedhjet e parakohshme parlamentare ne Greqi, sepse sic theksohet ne artikullin e saj te dites se sotme, shteti grek eshte hallka me e dobet e Eurozones.

Sipas Reuters, sondazhet e fundit i japin partise fituese ne keto zgjedhje, nje shumice te brishte ne parlament, ndersa vendi ka borxhin e dyte me te madh ne zonen e Euros, qe shkon ne 103.4% te Prodhimit te Pergjithshem Bruto te vitit 2009.

Investitoret dhe institucionet financiare do te donin te vinin re nje ulje te ketij borxhi, si dhe reforma te tjera per perballimin e krizes theksohet ne artikull,por kjo do te jete e veshtire ne se nuk ka nje fitues te paster ne keto zgjedhje decizive per vendin.

Madje agjensia nderkombetare e lajmeve risjell akoma edhe nje skenar te mundeshme te falimentimit te ekonomise greke duke ju referuar faktit se ne kete rast do te kete nje ndihme ekonomike te BE ndaj Greqise.

“Por kostoja e mbeshtetjes te ekonomive me te dobeta te Eurozones ,te Greqise dhe Oirlandes -konsiderohet nga rreziqet me te mundshme per euron dhe per borxhin shteteror te ekonomive te fuqishme te zones,sidomos te Gjermanise e cila do te paguaje ne fund llogarine” theksohet ne artikull.

Megjithate Reuters, shton se rreziku i nje krize teper serioze, eshte me i vogel ne krahasim me vitin e kaluar, ndersa shihet pozitivisht fakti qe te dy partite kryesore kane premtuar reforma ekonomike, te cilat do te priten me kundershtime nga qytetaret, akoma dhe me revolta shoqerore dhe reagime nga sindikatat e punetoreve.

Top Channel