Durresi ka qene qyteti i dyte ku eshte ndalur fushata e dy kandidateve per kryetar te Partise Socialiste, Edi Rama dhe Maqo Lakrori.
Ata kane prezantuar platformat e tyre perpara nje auditori te gjere dhe me pas u jane pergjigjur pyetjeve te anetaresise socialiste te ketij qarku. Kreu aktual ne detyre Edi Rama u ndal tek ajo qe e quajti grabitje kriminale e votave te shqiptareve, te cilat sipas tij prodhuan nje qeveri ilegjitime.
Zoti Rama theksoi se Partia Socialiste ka per detyre te mbroje voten e vjedhur te shqiptareve dhe te gjitha ata anetare te saj qe sot sipas tij po hiqen padrejtesisht nga puna.
“Ne duhet te rezistojme me cdo mjet demokratik” tha Rama duke paralajmeruar pershkallzim te veprimit opozitar.
“Duke qene te bindur se kemi detyrimin te kerkojme hapjen e kutive, ndeshkimin per ata qe hapen dyert e burgjeve, rikthimin ne pune te atyre qe jane larguar, ne jemi ne te drejten tone per t’i shkuar deri ne fund kesaj beteje te re”, u shpreh Rama.
Nderkohe edhe konkurenti tjeter maqo lakrori e vuri theksin tek zgjedhjet e parakohshme si nje domosdoshmeri per t’i dhene vendit nje qeveri te re te vertete dhe stabile.
Zgjedhjet per kreun e ri te PS do te zhvillohen ne 26 shtator sipas parimit nje anetar nje vote, ku e gjithe anetaresia eshte thirrur te shprehet me vote.
Top Channel
