Ne nje mesazh televiziv te shumepritur, kryeministri grek Kostas Karamanlis ka kerkuar shperndarjen e Parlamanetit grek dhe shpalljen e zgjedhjeve te parakohshme ne vend.
Kishte dite qe flitej se situata ne partine qeverisese te konservatoreve greke ishte teper e percare.
Nga njera ane sondazhet e fundit, ku shprehej pakenaqesia e popullit grek per vepren e kesaj qeverie ne keto 5 vjet e gjysme udheheqjeje, nga ana tjeter lufta e brendshme per lidershipin e kesaj partie, duket se kane cuar udheheqesin grek drejt kesaj alternative.
Edhe ne shtator te 2007-es Karamanlis kishte shpallur zgjedhje te parakohshme duke fituar nje mandat te dyte, por ato cka ka premtuar per reforma ne arsim, ne sigurimet shoqerore, ne uljen e papunesise dhe sidomos ne zhvillimin ekonomik te Greqise nuk jane zbatuar nga kabineti i tij dhe administrata e perzgjedhur prej konservatoreve.
Perkundrazi, ne vend kane ndodhur edhe shume skandale me protagoniste kryesore elemente te qeverise se tij.
Gjithashtu, qeveria e tij eshte kritikuar si e paafte ne perballimin e zjarreve te disa diteve me pare qe dogjen mijera hektare pyje rreth Athines.
Karamanlis ka deklaruar se ne mes te kesaj situate te paqendrueshme politike, vendit i duhet nje qeveri me mbeshtetjen e plote te popullit.
Neser Karamanlis pritet qe te shkoje tek presidenti grek Karaolos Papulias per te dekretuar daten e zgjedhjeve, qe sic flitet do te jete 4 tetori.
Persa i perket socialisteve, eshte pothuajse e sigurte epersia e tyre, pasi kryesojne me mbi 6% ne sondazhet e fundit dhe ka mundesi te kene edhe shumicen e vendeve ne Parlament.
Top Channel
