Shtyhet procesi i shitjes se te drejtave televizive te futbollit shqiptar, duke perfshire Superligen, Kategorine I, Kupen e Shqiperise si dhe Kampionatin e Futbollit te Femrave.
Burime te sigurta prane FSHF-se kane pohuar per Top Channel se perfaqesuesit e klubeve kane patur disa kontestime ne lidhje me shifrat qe do te perfitojne nga reklamat ne stadium. Sipas po te njejtave burime, drejtuesit e klubit Tirana dhe ata te Vllaznise kane kerkuar nga drejtuesit e kompanise Ufa Sports rishikimin e shperndarjes se te ardhurave qe do te perfitohen nga reklamat.
Persa i perket te drejtes televizive pjesa me e madhe e klubeve kane rene dakord qe te vazhdohet me projektin e propozuar nga kompania gjermane Ufa Sports. Te enjten do te mbidhet Komiteti Ekzekutiv i Federates Shqiptare te Futbollit qe do te diskutoje per problemet qe kane shtyre procesin e shitjes se te drejtave televizive te futbollit shqiptar. Kjo eshte hera e pare qe klubeve te kampionatit shqiptar i ofrohet nje kontrate e tille.
Specialistet e kompanise UFA kane deklaruar me pare se vlera qe do te perfitohet nese arrihet kjo marreveshje vitin e pare, mund te shkoje 300 mije euro. Behet fjale per nje kontrate 4-vjecare qe do te sjelle perfitime te mira per klubet shqiptare, pasi perfaqesuesit e kesaj kompanie shpresojne te arrijne shifren e 2 milione eurove deri ne vitin e fundit te marreveshjes.
Top Channel
