Politekniku, mesim me turne edhe kete vit

Ata do te duhet qe te startojne me leksionet dhe seminaret e parashikuara per te filluar ne oren tete te mengjesit per te perfunduar rreth ores 20.00 te mbremjes. Shkaqet per nje situate te tille jane dy. I pari eshte fluksi i madh i te rinjve te regjistruar dhe atyre qe pritet te fillojne vitin e pare ne keto universitete. Ndersa, faktori i dyte eshte mungesa e ambienteve, gje qe sjell pamjaftueshmerine e auditoreve universitare.

Jorgaq Kacani, kryetari i Konferences se Rektoreve, njekohesisht drejtues i njerit prej universiteteve publike me te medha ne vend, atij Politeknik, pohon nje situate te tille ne prag te fillimit te vitit te ri akademik.

“Deri ne oren 20.00-21.00 te darkes dyert e universitetit do te jene te hapura, jo vetem per te zhvilluar procesin mesimor, por nga ana tjeter, per te zhvilluar edhe procesin kerkimor nga ana e studenteve, per te zhvilluar studimin e pavarur te studenteve ne te gjithe auditoret qe zoteron Universiteti Politeknik i Tiranes, ne menyre qe ne te realizojme ate cka kerkojne kreditet, qe u atashohen studimeve te nivelit te larte, ku nje kredit parashikon 12.5 ore ne auditor”, beri te ditur Jorgaq Kacani, rektori i Politeknikut.

Ne nje situate aspak me te favorshme ndodhet edhe Universiteti i Tiranes, me i madhi ne vend. Serish ky institucion do te perballet me dilemen e sistemimit te studenteve te dy fakulteteve, atyre te Drejtesise dhe te Shkencave Sociale, godina e te cileve nuk i eshte nenshtruar rikonstruksionit pas carjes se themeleve, si pasoje e procedurave burokratike, sikunder i cilesoi vete rektori i UT-se, Dhori Kule, pak dite me pare.

Zgjidhja e vetme qe shohin per kete problem drejtuesit e universiteteve publike jane godinat e reja. Universiteti Politeknik tashme ka gati krijimin e nje kampusi dhe rektori Kacani shprehet se brenda vitit do te mbyllen te gjitha procedurat per ndertimin e tij.

“Ne do te fillojme se shpejti shtesen prane Fakultetit te Inxhinierise se Ndertimit, do te fillojme rikonstruksionin e institutit te ketyre shkencave, si edhe piketimin e te gjithe kampusit universitar te Universitetit Politeknik, qe ka marre miratimin ne mbledhjen e qeverise”, shpjegon rektori Kacani.

Ndersa lidhur me stafin pedagogjik, duket se kete vit nuk do te kete probleme as Universiteti i Tiranes dhe as ai Politeknik. Kacani shprehet se eshte shtuar numri i pedagogeve, nderkohe qe kete vit mendohet te rishikohen edhe programet e sistemit te Bolonjes, nese do te kete nevoje per permiresime, pasi perfundon edhe brezi i pare, per Universitetin Politeknik.

Top Channel