Ministria e Brendshme ka ftuar dje te gjithe emigrantet qe jane kthyer ne Shqiperi qe perpara se te largohen, te aplikojne per dokumentet biometrike te identifikimit.
Zevendesministri i Brendshem, Ferdinant Poni, ka sqaruar se qendrat e aplikimit jane ne funksionim ne te gjithe vendin dhe po verehet nje shtim i aplikimeve per pasaporten biometrike. Ndryshe nga me pare, kur te gjithe shtetasit ishin te detyruar te aplikonin me leternjoftimin dhe pasaporten biometrike, per te dale jashte vendit, tani nuk do te aplikohen penalitete per emigrantet dhe shtetasit qe largohen pa aplikuar.
“Qytetaret shqiptare te pajisen me pasaporta biometrike, t’i kene ato ne menyre qe hap pas hapi ne te bejme ate kalimin cilesor. Pra, permbushja e detyrimeve sasiore te beje dhe kalimin cilesor per dokumentet e reja dhe per fitimin e statusit te levizjes se lire ne Europe”, beri te ditur Poni.
Gjithashtu, ai u shpreh se aktualisht, ne te gjithe vendin jane mbi 70 mije aplikime per pasaporte, ndersa cdo dite prodhohen 1500 deri ne 2000 te tilla. Sipas autoriteteve, kapacitetet e prodhimit jane deri ne 30 mije dokumente te sigurise se larte, ne dite.
Top Channel
