Vlore, stervitje per rritjen e sigurise detare
31/07/2009 08:45
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
“JECT 2009”, stervitja e perbashket shqiptaro-amerikane qe synon rritjen e sigurise ne hapesiren detare, ka hapur siparin dje ne Vlore.
Mjete dhe efektiva te tri dikastereve dhe 5 strukturave ndervepruese shqiptare dhe specialiste te forcave ushtarake te SHBA-se, kane marre pjese dje ne nje stervitje te perbashket nderinstitucionale.
Pjese e stervitjes ka qene simulimi i rastit te nje anijeje, ku dyshohej se ndodheshin elemente kriminale dhe transportonin lende narkotike, qe hyjne ne hapesiren detare shqiptare.
Operacioni parashikonte mbajtjen nen vezhgim te ketij mjeti, angazhimin e 2 motovedetave te rojes bregdetare dhe nje helikopteri te Forcave te Armatosura, te cilat afrohen prane mjetit lundrues te dyshimte.
Efektivat e repartit RENEA dhe te Batalionit Special te Ministrise se Mbrojtjes, permes nje prej motovedetave, jane afruar prane anijes se dyshimte dhe kane hipur ne bordin e saj, duke neutralizuar gradualisht te gjithe elementet qe ndodheshin ne te, permes veprimeve te nje shkalle te larte veshtiresie, te mbeshtetur edhe nga specialiste amerikane, pjesemarres ne kete demonstrim praktik.
Ne operacion jane perfshire edhe strukturat e Policise se Kufirit, Antikontrabandes, Repartit Delta, nderkohe qe me pas mjeti eshte shoqeruar per ne portin me te afert, i vezhguar nga nje motovedete tjeter dhe helikopteri qe kryen demonstrime te hapura.
Top Channel
