Shterpce, serbet pranojne te paguajne energjine
27/07/2009 19:45
Serbët vranë 400 shqiptarë dhe fshehën gjurmët, dita e të zhdukurve gjatë luftës në Kosovë! Kurti: Bashkëpunëtorët e Millosheviçit, s’hapin arkivat 28/04 00:08
Mungesa e energjise elektrike per 25 dite ka zbrazur frigoriferet e te gjithe banoreve serbe te komunes se Shterpces.
“Per shkak te rrymes eshte dashur qe te gjitha ushqimet t’i hedhim. Pas dy-tri ditesh qe eshte ndalur rryma jemi detyruar qe te veprojme keshtu. Gjithçka çka ka pasur, mishrat dhe te tjerat”, tregon Slavisa Miric.
Me temperaturat e larta, te cilat jane shenuar javen e fundit ne Kosove, serbet kane gatuar me ndihmen e sobes me dru.
Pas debatit disa oresh te deputeteve paralel serbe dhe qytetareve te kesaj qyteze, eshte marre vendimi qe te gjithe qytetaret serbe individualisht te paguajne energjine elektrike.
Serbet e Shterpces, te cilet votuan pro kryetarit paralel Zvoko Mihajlovic, akuzuan ate per vjedhje dhe mashtrim ne kurriz te tyre.
Sipas tyre, nderprerja e energjise elektrike per 25 dite eshte zvarritur per shkaqe politike.
“Perfitimet e politikaneve hajdute na kane sjelle ne kete situate qe ne tani te hedhim te gjithe ushqimin. Askund nuk ka energji pa pagese. Populli ka dashur te paguaje, por politikanet tane na kane nxitur qe ne te mos paguajme energji. Kjo per shkak se kjo situate eshte ne favor te politikaneve per te manipuluar me lehte popullin”, shprehet banori serb Milivoje Popovic.
Nderkohe, sipas kryetarit paralel serb, shkaku kryesor i shkycjes nga rrjeti elektrik eshte ambasada amerikane ne Prishtine.
“Per kete problem te shkycjes se energjise elektrike akuzoj direkt ambasaden amerikane ne Prishtine”, ka deklaruar Zvonko Mihajlovic.
Pas 25 ditesh pa drita, dhe gjithe ketyre akuzave dhe kunderakuzave, serbet vendosen qe tani e tutje te paguajne energjine elektrike.
Top Channel
