Perfaqesuesit e Federates Sindikale te Shendetesise se Kosoves kane paralajmeruar qeverine e ketij vendi, se nese nuk do te realizohet marreveshja e arritur mes tyre, do te ndermarrin veprime tjera, te cilat, siç thone ata, do te jene shume radikale.

Nenkryetari i Federates Sindikale te Shendetesise se Kosoves, Jahir Mujolli, ka deklaruar se sektori i shendetesise ne pergjithesi eshte ne gjendje alarmante qe nga paslufta.

“Ne kemi pasur premtimin e kryeministrit Thaçi, qe marreveshja do te respektohet dhe do te realizohet qind per qind. Por, ne mbledhjen e mbajtur te sindikates, kemi konstatuar se nuk eshte realizuar pjesa materiale sipas marreveshjes, dhe kemi caktuar nje afat qe deri me 31 dhjetor te paguhen 44 euro per te gjithe punetoret”, ka pohuar Mujolli.

Por, perfaqesuesit e qeverise shprehen se ne mase te madhe i kane kryer detyrimet e tyre qe dalin nga kjo marreveshje.

Top Channel