Kandidimi, KE i jep pyetesorin Malit te Zi

23/07/2009 20:55

Komisioneri europian per Zgjerimin, Olli Rehn dorezoi personalisht ne Mal te Zi pyetesorin per statusin kandidat te vendit ne BE, duke i dhene kryeministrit Gjukanovic dhe lajmin tjeter te mire per liberalizimin e vizave Schengen nga 1 janari 2010, nese rekomandimi i Komisionit do te miratohej nga keshilli i ministrave te Brendshem europiane.

“Dorezimi i pyetesorit per Malin e Zi shenon nje tjeter gur kilometrik ne rrugen evropiane te ketij vendi. Kjo deshmon gjithashtu se edhe vendet e vogla mund te shenojne sukses ne integrimin evropian, nese ata i planifikojne mire veprimet e tyre dhe nese bashkepunojne duke kombinuar te gjitha forcat e tyre ne vend”, ka deklaruar Rehn.

Menjehere pas ceremonise ne Podgorice, kryeministri Gjukanovic u prit ne Bruksel nga kreu i komisionit Europian Jose Manuel Barroso, i cili theksoi rendesine e cilesise se pergjigjeve qe Mali i Zi duhet te jape ndaj pyetesorit te Komisionit.

Jane plot 2178 pyetje ne 368 faqe te pyetesorit dhe brenda 18 muajve, ne varesi te pergjigjeve nga Mali i Zi, Komisioni Europian do te pergatise opinionin e tij per dhenien ose jo te statusit kandidat e nese vendi i ka permbushur kriteret e kerkuara, Komisioni do t’i propozoje Keshillit te BE-se dhe daten per celjen e negociatave per anetaresim.

“Ne jemi te angazhuar t’i permbushim te gjitha detyrimet e axhendes se reformave, si dhe jemi te ndergjegjshem se qellimi yne strategjik per t’u anetaresuar ne BE do te jete i arritshem vetem nese ne i permbushim te gjitha ato standarte qe kerkon anetaresimi ne familjen evropiane”, eshte shprehur Gjukanovic.

Mali i Zi firmosi Marreveshjen e Stabilizim-Asociimit me Bashkimin Europian nje vit me vone se Shqiperia. Ne dhjetor 2008 aplikoi per statusin kandidat dhe gjate presidences ceke, Keshilli mandatoi Komisionin Europian qe te pergatiste opinionin e tij mbi kerkesen e Malit te Zi.

Top Channel