Mjeket permiresojne fytyren e 18 vjecares
14/07/2009 20:45
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
18 vjecarja Benereta Varfaj nga Elbasani, prej tre vitesh kishte pesuar nje deformim te thelle ne nofull duke i shkaktuar asaj probleme ne gjithe fytyren.
Pamja e vajzes para operacionit kishte renduar gjendjen e saj psikologjike dhe kishte shqetesuar te gjithe familjen.
Nofulla e poshtme ishte zhvilluar 2 centimeter me shume se nofulla e siperme, duke i krijuar asaj veshtiresi funksionale.
“Kisha veshtiresi ne te ngrene e ne te folur dhe tani qe bera operacionin jam shume e lumtur dhe krenare. Ne fillim nuk e besoja qe ishte nje gje reale”, thote 18 vjecarja.
Babai i saj, Shkelqim Varfaj ndihet i kenaqur qe vajza tashme nuk do te kete me probleme. “Ka mbi tre vjet qe e ka kete problem. Kjo eshte nje gjender poshte trurit qe zhvillon hormonet. Por tani problemi u zgjidh”, shprehet ai.
Kirurgu Ramazan Isufaj spjegon se ky eshte nder operacionet me te veshtira te kryera ne sherbimin e kirurgjise oro-maksilo-faciale.
Ndonese i eshte dhene garanci, pacientja ka firmosur me pare per komplikacionet qe mund te shfaqen gjate operacionit, i cili ka zgjatur mbi 6 ore.
“Ka pasur dy centimetra me shume. Ishte shume e zhvilluar. Normalisht ndodh nje rreshqitje dhe me pas nje terheqje. Kjo behet me prerje te kockes dhe u be”, tregon Isufaj.
Ne te shumten e rasteve, pacientet lindin me te tilla deformime por nuk perjashtohen rastet kur ato ndodhin gjate jetes, si rasti i Beneretes.
Top Channel
