Studimet e fundit kane dale me konkluzionin se mungesa e linjave transmetuese per energjine elektrike, si dhe kapaciteti i tyre ndikojne ne ecurine e tregtise rajonale mes vendeve te Ballkanit.
Per kete shkak, Bashkimi Europian ka bere gati fondin 20 milione euro per ndertimin e linjes energjetike mes Serbise dhe Greqise. Projekti parashikon fuqizimin e kapacitetit per linjat e tensionit te larte dhe shtrihet nga Leskovaci, Serbi, e deri ne Greqi, ku parashikohet nje depertim permes Shqiperise.
Lajmin e ka konfirmuar ambasadori i Komisionit Europian per Serbine, Josep Lloveras, referuar agjencise “Beta”. “Ky rajon ka mundesi te medha zhvillimi, por i nevojitet nje sistem elektrik i fuqishem per bizneset e ketyre vendeve. Linja e re elektrike do te lidhe Leskovacin me disa zona te tjera te Serbise, Shqiperise dhe Greqise”, deklaroi Lloveras.
Nderkaq, ministri serb i Energjise, Petar Skundric, shtoi se linja elektrike do te kontribuoje ne afat te gjate per stabilizimin e rajonit me energji elektrike.
Projekti i ri energjetik parashikon te fuqizoje se tepermi rolin e Serbise ne rajon, ndersa Shqiperise i duhet te perfundoje sa me shpejt ndertimin e linjave 400 kilovolt Tirane-Podgorice, te nisura me kohe, por qe ende nuk kane perfunduar.
Top Channel
