Tensioni parazgjedhor mberriti edhe ne Tirane. Shkak u be qendrimi i autoriteteve ndaj mitingut permbylles te Partise Socialiste ne bulevardin “Deshmoret e Kombit”.
Punonjes te policise nuk lejuan te ngrihej skela qe do te perdoret per tubimin permbylles te PS-se kete te premte.
Police te shumte te rendit, forca te gardes, por edhe te sherbimeve sekrete, erdhen ne vendin, ku punonjesit nisen ta ngrene pasdite, tribunen e mitingut.
Por menjehere ne bulevard erdhen edhe deputete dhe drejtues te PS-se, te cilet debatuan ashper me drejtuesit e Policise se Tiranes.
Ne baze te kerkeses se PS-se per instalimin e skelave per tribunen, policia tha se ajo duhet te ndertohet ne 26 qershor ne oren 14.
Nderkaq ne kete incident nderhyri menjehere edhe shefi i OSBE, Robert Bosh, i cili erdhi ne vendngjarje dhe takoi per tu informuar deputetet socialiste.
Me pare ne bulevard kishin ardhur edhe vezhgues te tjere nderkombetare qe ndoqen nga afer zhvillimin e kesaj perplasjeje mes deputeteve socialiste dhe forcave te rendit.
Situata vazhdon te mbetet e pazgjidhur dhe te dyja palet deri ne oret e vona te mbremjes kane qendruar perballe njera tjetres ne nje lufte nervash.
Ne nje prononcim per Top Channel, Xhafa ka theksuar se pas ketyre veprimeve ilegjitime te policise fshihet kryeministri Sali Berisha, i cili sipas tij po i trembet humbjes ne zgjedhje.
“Kjo ngjarje e bere nga Policia e Shtetit dhe nga Berisha ka nje dimension ligjor pasi njoftimi jone eshte ne perputhje me ligjin e vitit 2001, sipas te cilit ata qe duan te bejne tubime duhet vetem te njoftojne Policine e Shtetit. Ne e kemi njoftuar ate ne daten 17 dhe detyrimi i policise ishte qe brenda 24 oresh ajo duhet te kthente pergjigje nese ishte dakord me vendin apo diten. Por papritur ajo erdhi sot ketu duke shkelur ligjin e tubimit. Policia nuk mund te ndaloje zhvillimin e tubimeve te partive politike. Ne jemi ne respekt te ligjit dhe mitingu do te zhvillohet neser ne oren 19. Kjo gje tregon panikun e kryeministrit ne ikje”, ka pohuar Xhafa.
Top Channel
