Ristani: Zgjedhjet, sfide komplekse
23/06/2009 21:50
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Kryetari i Komisionit Qendror te Zgjedhjeve, Arben Ristani ka deklaruar se zgjedhjet e 28 qershorit perbejne nje sfide te vertete per vendin, qe gjendet nen mbikeqyrjen e BE-se, por edhe per vete institucionin qe ai drejton per shkak te rendesise qe ka ky proces.
“Zgjedhjet jane nje sfide per te gjithe vendin. Shqiperia synon te beje me te miren pasi vendi eshte ne NATO dhe pretendon te jete edhe ne BE. Prandaj zgjedhjet jane nje sfide per shqiptaret, por edhe nje sfide personale”, ka pohuar Ristani.
Duke folur ne emisionin “Top Story” ne Top Channel, Ristani eshte shprehur se veshtiresite e KQZ ne kete proces jane mjaft komplekse.
“Veshtiresite jane komplekse dhe sfida e kohes na ka bere shume trysni. Por jane edhe shume faktore te tjere si fletet e votimit, kutite dhe kodet e sigurise. Te gjitha prodhohen dhe vetem nga vlera e tyre ne ne 6 muaj kemi menaxhuar 7 milione dollare”, ka saktesuar Ristani.
Sipas tij, problematikat ne zgjedhje jane te shumta per shkak edhe te frikes se partive per parregullesi, gje qe i ka cuar ato te kerkojne edhe mbikeqyrjen me kamera.
Ristani ka bere te ditur se me iniciative te KQZ-se eshte bere e mundur mbikeqyrja me kamera e 66 qendrave ku do te behet numerimi i votave.
“I rendesishem eshte fakti qe partite kane kerkuar xhirimin me kamera. KQZ e ka marre kete mesazh dhe eshte munduar qe te beje edhe me shume. Me iniciative te KQZ i kemi shtuar sistemit te kamerave ne qendrat e numerimit nje kamera qendrore dhe gjate kohes qe mbaron procesi i numerimit do te kemi mundesi te shohim se c’behet ne 66 vendet ku numerohet”, ka shtuar Ristani.
Lidhur me disa kandidate, qe nuk kane zbatuar Kushtetuten duke mos dhene doreheqjen nga postet ne pushtet, kreu i KQZ ka theksuar se kjo vjen si pasoje e mundesive qe jep Kodi i ri Zgjedhor.
“Kushtetuta thote se nuk mund te kete kandidat pa dhene doreheqjen, por ndryshe behet interpretimi ne Kodin Zgjedhor”, ka nenvizuar Ristani.
Top Channel
