Postera te shumte te vendosur ne lulishtet e qytetit nga ana e subjketit politik te PD jane bere shkak per nje konflikt mes kesaj force dhe bashkise se Korces.
Bashkia ka nderhyre per t’i larguar, ndersa punonjesit e saj jane shoqeruar nga policia.
“Posterat jane vene pa leje ne keto zona publike dhe PD vazhdon t’i vendose. Keto parqe jane qe te clodhen qytetaret dhe e vetmja gje qe na vjen ne mend ne kete situate eshte se, pushtet nuk do te thote pushtim”, ka deklaruar zedhenesja e bashkise se Korces, Belina Trenova.
Nderkohe qe zedhenesi i Partise Demokratike ka deklaruar se keto postera do te hiqeshin vetem pas dites se zgjedhjeve, duke e konsideruar shkelje largimin e tyre nga lulishtet.
“Denoncojme bashkine per keto vendime politike. Parullat do te hiqen nga vete PD ne 29 qershor. I jemi drejtuar organeve kompetente per te denoncuar kete veprim”, ka reaguar zedhenesi i deges se PD ne Korce, Gjergji Grabocka.
Policia e Korces ka bere te ditur se ka shoqeruar dy punonjesit e gjelberimit te bashkise, me qellim shmangien e ndonje incidenti, apo perplasjeje qe mund te lindte midis ketyre punetoreve dhe militanteve te subjektit politik ne fjale.
Top Channel
