Kampionet e Botes ne fuqi nuk kane arritur te kalojne grupin B pas ndeshjes se humbur 3-0 ndaj Brazilit, ndersa amerikanet kane bere surprizen duke mundur kampionet e Afrikes Egjiptin me rezultatin 3-0 qe u ka sjelle edhe kualifikimin.
Brazilianet kane zhvilluar nje ndeshje perfekte ndaj nje Italie te pafuqishme duke shenuar qe te tre golat 45 minutat e para te takimit. Ishte lojtari i Sevillias Luis Fabiano ai qe dergoi topin dy here ne rrjeten e Buffon ne minuten e 37 dhe te 43. Vetem dy minuta pas golit te dyte, Kaka i rremben topin Camoranesit duke nisur nje kundersulm per brazilianet, topi i futur ne zone nga Kaka devijohet fatalisht nga Andrea Dossena dhe topi perfundon ne rrjete.
Pjesa e dyte e takimit nis me italianet qe kerkojne te shenojne por te pafuqishem perballe ekipit te Dunges qe ishte thuajse perfekt ne te gjitha repartet.
Ne ndeshjen tjeter te zhvilluar ne te njejten ore SHBA ben surprizen e grupit duke mundur Egjiptin me rezultatin 3-0, rezultat qe dergon ne shtepi “faraonet”.
Ne perfundim te ndeshjeve per grupin B Brazili udheheq grupin me 9 pike, SHBA, Italia dhe Egjipti me nga 3 pike.
SHBA do te vazhdoje me tej fale golavarazhit me te mire ne krahasim me Italine dhe Egjiptin.
Jane percaktuar edhe dy ciftet, Brazili do te ndeshet me vendasit e Afrikes se Jugut ndersa SHBA do te perballet me kampionet e Europes, Spanjen
Top Channel
