Nis me TVSH-ne, procedurat doganore, lejet e ndertimit, dhe perfundon me sektorin bankar. Nje mori kerkesash qe bizneset e Dhomes Amerikane te Tregtise do te donin te merrnin zgjidhje ne katervjeçarin e ardhshem, por si fillim duhet te kalonin me pare ne tryezen e planifikuar me Berishen dhe Ramen.
Nje pjese e sugjerimeve lidhen me rishikimin e politikes fiskale, kryesisht per TVSH-ne, ndersa theksi eshte vene me teper te nxitja e produkteve bujqesore dhe promovimi i prodhuesve shqiptare.
Bizneset kerkojne ne fillim rishikimin e TVSH-se per produktet qe kane ndikim ne sektorin bujqesor (nga 20% qe eshte aktualisht ne 8-12%). Sipas tyre, parapagimi i TVSH-se eshte shume i rende per biznesin aq me teper ne situate krize, ndersa diferenca per produktet ushqimore duhet te filloje nga 8%.
Tjeter kerkese lidhet me heqjen e referencave doganore sidomos per importet nga Bashkimi Europian. Me rendesi per AmCham jane liberalizimi i procedurave, lehtesi ne dogana, si dhe unifikim te akcizes me vendet e rajonit. “Kontrolli nga tatimoret duhet te behet nje here ne dy vjet dhe periudha e kontrolluar njehere nuk duhet te kontrollohet me”, tregon pika e 9-te.
Promovimi i biznesit shqiptar jashte vendit, mbeshtetja ne kohe krize, si dhe konsultime per çdo ligj perpara se te kaloje per aprovim, jane disa nga sugjerimet qe biznesi ia percjell qeverise se ardhshme. Nje kerkese direkte per taksat lidhet me anulimin e parapageses mujore te tatimit mbi fitimin, si dhe zgjidhjen e çeshtjes per rimbursimin e TVSH–se.
Gjykata Administrative, e cila nuk mundi te krijohej ne qeverisjen e te djathteve, kerkohet nga biznesi i Dhomes Amerikane qe te perfundoje brenda 2009-s, duke ia lene si detyre qeverise se re.
Top Channel
