Qeveria greke ka paraqitur ne parlament amendamentin per emigracionin ilegal ku midis te tjerash dyfishohet afati kohor i mbajtjes se emigranteve qe jane per ekstradim,si dhe parashikohet ekstradimi i te huajve per krim qe denohen me mbi tre vjet burgim,jepen denime akoma me te renda per trafikantet e emigranteve ilegale, me burgimin e tyre deri ne 20 vjet dhe me gjoba qe shkojne ne qindra mijera euro.
Pas mbledhjes se udheheqesve te Partise Popullore Evropiane, kryeministri grek Kostas Karamanlis ka kerkuar te veprohet menjehere per ceshtjen e emigracionit ilegal, duke e konsideruar ate, nje ceshtje te rendesishme ne Europe, e cila nuk i takon vetem vendeve qe jane te prekura nga ky fenomen qe ka marre permasa kaq te medha.
Per ceshtjen e emigracionit ilegal Italia, Greqia dhe Malta kane formuar nje front te perbashket, duke kerkuar ndihme per fonde nga samiti i BE qe zhvillohet ne Bruksel,por qe ende nuk po gjejne aleate nga shtetet e Europes Qendrore dhe Veriore per aprovimin e ketyre fondeve, te cilat kane qellim patrullimin me te mire te Egjeut dhe Mesdheut per te frenuar dyndjen e qindera mijerave emigranteve te huaj.
Top Channel
