Sport

Mbrojtesi Vrapi gjen akordin me Dinamon

16/06/2009 09:10

Endri Vrapi ka gjetur akordin parimor me Dinamon. Mbrojtesi i Kombetares shqiptare, qe gjate kesaj periudhe eshte stervitur me skuadren e drejtuar nga Shkelqim Muça, pranoi oferten e bluve, nderkohe qe sipas burimeve zyrtare te klubit kryeqytetas, firma ne kontrate ende mungon.

Pas renies se Elbasanit nga kategoria, ai ka qene lojtar i lire. Deri me tani, Vrapi ka pritur edhe ofertat nga jashte vendit, duke qene se eshte paraqitur mjaft mire me perfaqesuesen kuqezi ne ndeshjen eliminatore te 6 qershorit, ku Shqiperia humbi 2-1 me Portugaline.

Mbrojtesi i shtohet listes se futbollisteve qe kane arritur marreveshje me dinamovitet ne kete merkato vere. Pasi e mbylli kampionatin e kaluar ne vendin e trete, Dinamo eshte treguar mjaft aktive per afrimin e elementeve cilesore. Deri me tani akord parimor per te luajtur me blute kane edhe Bekim Kuli, Gentian Muça dhe Erbim Fagu.

Nderkohe, Muça kerkon me ngulm edhe sherbimet e talentit te Teutes, Emiljan Vila. Nga kontingjenti i sezonit te kaluar, te vetmit qe nuk kane pranuar oferten e klubit jane portieri Kotorri, Poçi dhe Sina, bisedimet me te cilet priten te mbyllen sot.

Top Channel