Kandidati i PS ne qarkun e Durresit, deputeti Blendi Klosi ka deklaruar se eshte i gatshem te kandidoje ne kete qark, pasi partia e tij ofron programin e duhur per zhvillimin e tij.
“Jam ndjere shume mire ne PS dhe i jam mirenjohes. Drejtoj nje ekip te mire ne Durres, qe mund te ndryshojne qytetin dhe gjithe Shqiperine. Kerkohet qe qytetaret e qarkut te Durresit te mos votojne per individin, por per programet e partive politike dhe zgjidhjet qe ato ofrojne. Durresi ka nevoje per drejtim te ri dhe per nje lidership te ri”, ka pohuar Klosi ne emisionin “Top Story” ne Top Channel.
Sipas tij, ndryshimin e ka treguar edhe bashkia qe drejtohet pikerisht nga PS. “Zoti Vangjush Dako eshte nje nga ata persona qe Durresi e mirepriti per shkak te keqqeverisjes se PD dhe fitoi me shumice votash”, ka nenvizuar Klosi.
Me tej, ai ka replikuar me deputetin e PD Ferdinand Xhaferri lidhur me tec-in me qymyr te projektuar nga qeveria. “Sa per tec-in, une them me pergjegjesi se ka nje vendim te keshillit te qarkut per ndertimin. Nese del dokumenti qe e verteton, atehere ose largohem une, ose largohesh ti”, i eshte drejtuar Klosi Xhaferrit.
Me tej deputeti socialist i ka dale ne mbrojtje kryetarit te bashkise se Tiranes Edi Rama, njekohesisht kryetar i PS, ndaj akuzave te bera nga Xhaferri per vjedhje me lejet e ndertimit.
Sipas Klosit, lejet e ndertimit jane dhene me miratimin e KRRT-se, shumica e anetareve te te ciles jane demokrate.
“PD akuzon Ramen se ka dhene leje ndertimi, por KRRT perbehet nga 21 anetare, nga te cilet vetem 5 jane perfaqesues te bashkise. Ne te gjitha mbledhjet, zoti Rama per asnje moment e asnje minute nuk ka qene pjese e vendimmarrjeve. Vendimet e bashkise per rregullimin e zonave te qytetit jane miratuar unanimisht nga perfaqesues te larte te shtetit”, ka theksuar Klosi.
Me tej ai i ka ashpersuar qendrimin e tij duke deklaruar se ishte qeveria qe sipas tij i dha lejen e Gerdecit Mihal Delijorgjit.
“Persa i perket Delijorgjit, te cilin ju e keni mbeshtetur, nese Edi Rama ka dhene 4 leje, 3 i ka firmosur Marin Bicoku. Qeveria Berisha i dha nje leje Delijorgjit qe ka 26 varre”, ka shtuar Klosi.
Top Channel
