Kryetari i PSD, Skender Gjinushi ka deklaruar se koalicioni mes partise se tij dhe Partise Socialiste eshte mjaft funksional.
Duke bere nje retrospektive, Gjinushi ka nenvizuar se bashkepunimi ka filluar qe ne vitin 1996 dhe ka theksuar se koalicioni i majte ka pasur gjithmone mbeshtetjen e votuesve shqiptare.
Sipas Gjinushit, ka qene percarja e se majtes, konkretisht e PS, qe ne 2005-en i dha fitoren Partise Demokratike me ne krye Sali Berishen.
“E majta vazhdimisht ka qene shumice. Ajo ka nje histori 18 vjecare. Kuadri i koalicionit ka filluar te bashkepunoje qe ne 96-en dhe per hir te se vertetes e majta jo vetem qe ka qene fituese qe pas 96-es, por ka qene e mbeshtetur nga 60% e votuesve shqiptare. I vetmi aksident qe pesoi ishte dalja e nje fraksioni nga PS, qe u krijua LSI dhe per shkak te kesaj fitorja i buzeqeshi PD-se”, ka deklaruar Gjinushi ne emisionin “Top Story” ne Top Channel.
Kreu i PSD ka theksuar se kryetari i PD, Sali Berisha ka ditur te shfrytezoje me se miri kete percarje te se majtes, permes se ciles sipas tij erdhi ne pushtet ne menyre “te pamerituar”.
“Perplasja Nano-Meta ka qene nje nga arsyet qe e majta u coptua. Berisha vetem nje gje ka ditur te beje mire ne politike, qe di te luaje me kete carje te se majtes. Ai e ka marre pushtetin ne menyre te pamerituar”, ka nenvizuar Gjinushi.
Ai ka shtuar me tej se koalicioni i majte eshte ne gjendjen e tij me te mire pasi gezon mbeshtetjen e elektoratit dhe ka nje program evropian per Shqiperine.
“E majta nuk eshte ne krize, pasi bazamenti kryesor qe jane votuesit, jane te bashkuar dhe programi i se majtes eshte nje program evropian”, ka shtuar Gjinushi.
Top Channel
