Vendi

Listat, sot afati i fundit per dorezimin ne KQZ

19/05/2009 09:00

Sot perfundon afati i dorezimit te listave per deputete ne KQZ. Deri ne oren 19:30 partite duhet te dorezojne regjistrin me 140 emra, te cilet do te garojne kunder njeri-tjetrit ne qarqe, ne 28 qershor.

Por ndersa te gjitha forcat e tjera politike i kane dorezuar listat e kandidateve, dy partite e medha, PD dhe PS duket se do te presin deri ne fund per te publikuar emrat e kandidateve te tyre.

Temperatura eshte e larte kryesisht ne selite e partive kryesore. Partia Socialiste, e cila ne listen e 28 qershorit duhet te jape provat e para te politikes se re te kryetarit Rama, pritet te kete surpriza te forta. Pervec atyre qe tashme jane shpallur kunder kryetarit te ri, si gjashteshja e zgjedhjes se presidentit, duket se te rrezikuar nga listat jane nje numer deputetesh aktuale qe nga ish-kryetari socialist Fatos Nano, Bashkim Fino, Ylli Bufi, Elmaz Sherifi, Vangjel Tavo, Pilo Kerri.

Edhe partia Demokratike pertej euforise se fushates, eshte mbyllur ne 24 oret e fundit para shpalljes se listave. Por selia blu duket me e qarte ne ata qe do te lere jashte listave. Me te rrezikuarit jane te ashtuquajturit anetare te grupimit presidencial, apo te pakices bllokuese, sic e pati quajtur vete zoti Berisha kohe me pare.

Tashme vendimi perfundimtar mbetet ne dore te kuartetit, apo kryesise se vogel, ku pervec berishes, bejne pjese edhe Topalli, Patozi dhe Ridvan Bode. Mesohet se demokratet do te vendosin per afatin e fundit per te dorezuar listen e tyre ne KQZ.

Top Channel