Kartat ne Diber, penalizime edhe per invalidet
16/05/2009 08:30
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Ne qarkun e Dibres, ku bejne pjese rrethet Diber, Bulqize dhe Mat, vazhdojne problemet ne procesin e aplikimit te banoreve, per marrjen e kartave te identitetit.
Vec problemeve te tjera qe hasen ne zona te thella malore, si vazhdimi ende i shitjes se kuponave me 1200 leke, mungesa te transportit falas, radheve te gjata, etj, vendimi i qeverise per nisjen e penalizimeve, duke filluar nga 1 maji, per te gjithe ata qe nuk kane aplikuar per marrjen e kartes se identitetit, duket se ka hapur nje tjeter problem, qe deri me tani askush nuk i jep zgjidhje.
Keshtu sipas ketij vendimi, nisja e penalizimeve per te gjithe votuesit, qe nuk kane aplikuar per marrjen e kartes se identitetit, duket se nuk do te “kurseje” as invalidet, paraplegjike dhe tetraplegjike, te cilet semundja u ka privuar mundesine e aplikimit. Ne asnjeren nga 32 qendrat e aplikimit te ngritura, ne kete qark, nuk mund te marresh pergjigje, ne lidhje me menyren qe do ndiqet per t’i dhene mundesi kesaj kategorie te shoqerise per te aplikuar.
Nje situate e tille, i ka revoltuar keta te semure, pasi siç shprehen ata vete, perkunder deshires per aplikim qendron pamundesia e tyre per realizimin e ketij procesi. Nderkohe mesohet se ka edhe mjaft raste kur banoret nuk kane mundur te aplikojne per shkak te gabimeve ne regjistrat themeltare te gjendjes civile te cilet nuk jane pastruar, por ne to gjen edhe te vdekur prej vitesh.
Top Channel
